އިމިގްރޭޝަނުން ބުނީ އައްޑޫ ސިޓީއަށް ހާއްސަކޮށްގެން ކުރިއަށްގެންދާ މި އަހަރުގެ އެންމެ ބޮޑު އެއް ރެއިޑްކަމަށެވެ. މި އޮޕަރޭޝަނަށް އިމިގްރޭޝަނުން ނަން ދީފައއިވަނީ "އޮޕަރޭޝަން ހަމަމަގު" އެވެ.
އައްޑޫގައި އިމިގްރޭޝަނުން ހިންގާ އޮޕަރޭޝަންގެ ތެރެއިން
އިމިގްރޭޝަނުން ބުނީ މިއީ ގަވާއިދާ ހިލާފަށް އުޅޭ ބިދޭސީންގެ މައްސަލަތައް ހައްލުކުރުމަށްޓަކައި ސަރުކާރުން ކުރަމުންދާ މަސައްކަތުގެ ތެރެއިން، ރާއްޖޭގެ އެކި ސަރަހައްދުތަކަށް ހާއްސަކޮށްގެން ހިންގާ ރެއިޑް އޮޕަރޭޝަންތަކުގައި ހިމެނޭ ރެއިޑެއްކަމަށެވެ.
އައްޑޫގައި އިމިގްރޭޝަނުން ހިންގާ އޮޕަރޭޝަންގެ ތެރެއިން
ޓާސްކް ފޯސްއިން އައްޑޫ ސިޓީގައި ކުރިއަށް ގެންދާ މި ރެއިޑު އޮޕަރޭޝަންގައި ކޮންޓްރޯލާ ޖެނެރަލް އޮފް އިމިގްރޭޝަން،ސީ.ޕީ (ރޓ) އަޙްމަދު ފަސީޙް އަދި ޑެޕިއުޓީ ކޮންޓްރޯލާ އަޙްމަދު އަޝްފާން ބައިވެރިވާކަމަށް އިމިގްރޭޝަނުން ބުނެއެވެ. އަދި 35 އިމިގްރޭޝަން އޮފިސަރުންނާއި އައްޑޫ ސިޓީ ފުލުހުންގެ އިތުރުން، އައްޑޫ ސިޓީ ކައުންސިލް މެންބަރުން ވެސް ބައިވެރިވާކަމަށް އިމިގްރޭޝަނުން ބުނެއެވެ.
