ޒުވާން ހަތީބުން ޕްރޮގްރާމަކީ ގްރޭޑް 10، 11 އަދި 12 ގައި އުޅޭ ދަރިވަރުންނަށާއި ސްކޫލް ނިމިފައިވާ ދަރިވަރުންނަށް ހުކުރު ކުރުމުގެ ހުއްދަ ދިނުމަށްޓަކައި އިންތިޒާމުކުރެވިފައިވާ ޕްރޮގްރާމެކެވެ.
އިސްލާމިކް މިނިސްޓްރީން ބުނީ ޒުވާނުން ހަތީބުން ތަމްރީނުކުރުމަށް މިއަދު ފެށީ ތިންވަނަ ބުރުގައި257 ޒުވާނަކު ބައިވެރިވެފައިވާކަމަށެވެ. ސަރުކާރުގެ އަމާޒަކީ މި ދައުރުގެ ތެރޭގައި 1000 ހަތީބުން ތަމްރީނުކުރުންކަމަށްވެސް އިސްލާމިކް މިނިސްޓްރީން ބުނެއެވެ.
ޒުވާން ހަތީބު ޕްރޮގްރާމްގެ ތިންވަނަ ބުރުގެ ތެރެއިން
ޒުވާން ހަތީބުން ތަމްރީނުކުރުމުގެ ފުރަތަމަ ބުރުގައި 160 ކުދިން ބައިވެރިވިއެވެ. އަދި ދެވަނަ ބުރުގައި 206 ކުއްޖަކު ވަނީ ބައިވެރިވެފައެވެ. މި ޕްރޮގްރާމުގެ ދެ ބުރެއް މިހާތަނަށް ކުރިއަށް ގެންގޮސްފައިވާއިރު، 270 އަށްވުރެ ގިނަ ހަތީބުން މިހާތަނަށް ސަނަދު ހާސިލްކޮށްފައިވައިވާކަމަށް އިސްލާމިކް މިނިސްޓްރީން ބުނެއެވެ.
ތިންވަނަ ބެޗް ނިމުމުން، ކުރީގެ ބެޗްތަކާ އެކު، ޖުމުލަ 500 ހަޠީބުން ތަމްރީނުވީކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައިީދު ވިދާޅުވިއެވެ.
ޒުވާން ހަތީބު ޕްރޮގްރާމްގެ ތިންވަނަ ބުރުގެ ތެރެއިން
ޒުވާން ހަތީބު ޕްރޮގްރާމްގެ އިތުރުން ކައުންސިލަރުން ހުތުބާ ކިޔަން ދަސްކޮށްދިނުމަށްވެސް ކޯހެއް އިސްލާމިކް މިނިސްޓްރީން އަންނަނީ ހިންގަމުންނެވެ. މިކޯހުގައި ބައިވެރިވާން ހުޅުވާލާފައިވާއިރު ފުރަތަމަ ބުރުގައި 50 ކައުންސިލަރުންނަށް ފުރުސަތު ދޭނެކަމަށް އިސްލާމިކް މިނިސްޓްރީން ވަނީ ބުނެފައެވެ.
