ހުޅުމާލެ ހޮސްޕިޓަލްގެ މެއިން އިލެކްޓިކް ޕެނަލަށް ދިމާވި މައްސަލަ އަކާއި ގުޅީގެން ރެއިންސުރެ ވަނަ އެ ހޮސްޕިޓަލްގެ ހިދުމަތް މެދުކެނޑިފައެވެ.
އެހެންކަމުން އެ ހޮސްޕިޓަލްގެ އޯޕީޑީގެ ހިދުމަތް ހުޅުމާލެ ދެވަނަ ފިޔަވަހީގެ ހިޔާ ފުލެޓު 16ގައި ހުންނަ ޖެނެރަލް ޕްރެކްޓިސް ކްލިނިކަށް ވަގުތީ ގޮތުން ބަދަލުކޮށްފައިވާ ކަމަށް ހުޅުމާލެ ހޮސްޕިޓަލުން ބުނެއެވެ.
މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއްރައްޒާގު ހަލީމް ވިދާޅުވީ ހުޅުމާލެ ހޮސްޕިޓަލުން ކަރަންޓް ކެނޑުނީ ޓްރާންސްފޯމަރުން ހޮސްޕިޓަލްގެ މައި އިމާރާތަށް ކަރަންޓު ދޭން ބޭނުންކުރާ ކޭބަލަށް މައްސަލަ ދިމާވެގެންކަމަށެވެ.
އެހެންކަމުން ސްޓެލްކޯގެ މުވައްޒަފުން އައިސް ވަގޫތޫ ކޭބަލެއް ގުޅާ ހޮސްޕިޓަލަށް ކަރަންޓް ދެމުން އަންނަކަމަށް ހަލީމް ވިދާޅުވިއެވެ. އަދި ކުރިޔަށް އޮތް ގަޑިއިރެއްހާއިރުގެ ތެރޭގައި ހޮސްޕިޓަލްގެ ހިދުމަތްތައް އާއްމު ހާލަތަށް ގެނެވޭނެކަމަށްވެސް އޭނާ ވިދާޅުވިއެވެ.
