ރައްޔިތުން ތިބީ މާޔޫސްވެފައިކަމަށާއި އަންނަ އަހަރު އޮންނަ ލޯކަލް ކައުންސިލް އިންތިހާބުގައި ސަރުކާރަށް ވޯޓް ނުދޭން ރައްޔިތުން މަޖިލީހުގެ ވެލިދޫ ދާއިރާގެ މެމްބަރު މުހައްމަދު އައްބާސް ގޮވާލައްވައިފިއެވެ.
Advertisement
އެކްސްގައި އައްބާސްކުރެއްވި ޕޯސްޓެއްގައި ވިދާޅުވީ ސަރުކާރުން އެކު ނަންނަމުގައި މަޝްރޫއިތައް ހިންގަން ރަށްރަށށް ގޮސް އެއްބަސްވުންތަކުގައި ސޮއިކުރި ނަމަވެސް އެއްވެސް މަޝްރޫއެއް އެއްވެސް ރަށެއްގައި ނުހިގާކަމަށެވެ. އެހެންކަމުން ލޯކަލް ކައުންސިލް އިންތިހާބުގައި ސަރުކާރު ހިންގާ ޕީއެންސީއަށް ވޯޓް ދޭންޖެހޭ ސަބަބެއް ނެތްކަމަށެވެ.
" މަތިމަތިން އިއުލާންކޮށް ސޮއި ކުރެއްވި ރައްރަށުގެ ތަރައްޤީގެ ޕްރޮޖެކްޓު ތަކުގެ މަސައްކަތައް ބޭނުންވާ ސާމާނު އަދި އެކަށީގެންވާ މީހުން ރަށް ރަށުގެ ސައިޓުތަކަށް އަރާ އަމަލީ މަސައްކަތް ނުފަށަނީސް ސަރުކާރު ނިސްބަތްވާ ޕާޓީ ޕީ.އެން.ސީ އަށް އެއްވެސް ރަށެއްގެ އެއްވެސް ރައްޔިތަކު ކުރިއަށް އޮތް ލޯކަލް ކައުންސިލް އިންތިހާބުގައި ވޯޓު ދޭންޖެހޭ ސަބަބެއް ނެތް!." އައްބާސް އެކްސްގައި ކުރެއްވި ޕޯސްޓުގައިވެއެވެ.
އައްބާސް ވިދާޅުވީ އޭނާ ހިމެނިވަޑައިގަންނަވާ ނ.އަތޮޅުގެ އެއްވެސް ރަށެއްގައި މިސަރުކާރުން އިއުލާންކުރި އެއްވެސް މަޝްރޫއެއް ނުހިނގާކަމަށެވެ. އަދި ކުރީ ސަރުކާެރުން ފެށި ކަންކަންވެސް ކުރިޔަށް ނުދާކަމަށާއި މި ސަރުކާރު ވެރިކަމަށް ގެެނެސްދިން ރައްޔިތުން ތިބީ މާޔޫވެސްފައިކަމަށެވެ.
" އަޅުގަނޑު ގެ ދާއިރާ އަދި ނ.އަތޮޅުގެ އެއްވެސް ރަށެއްގައި މިސަރުކާރުން އިއުލާންކުރި އެއްވެސް ޕްރޮޖެކްޓެއް ނުހިގަ..އަދި ކުރީސަރުކާރުން ފަށާފައި ހުރި އެއްވެސް ޕޮރޮޖެކްޓެއް އެކަށީގެންވާ ގޮތެއްގައި ކުރިއަކަށް ނުދޭ.. ސަރުކާރުގެ ވެރިންގެ ބަހާ އަމަލާ ދިމާ ނުވެ.. މިސަރުކާރު ގެނައުމަށް މަސައްކަތް ކޮށް ވޯޓު ދިން %80 ރައްޔިތުން ތިބީ މާޔޫސްވެފައި.." އައްބާސް އެކްސްގައި ކުރެއްވި ޕޯސްޓްގައިވެއެވެ.
ދެން އޮންނަ ލޯކަލް ކައުންސިލް އިންތިހާބު އަންނަ އަހަރުގެ އޭޕްރިލް މަހު ބާއްވަން ތައްޔާރުވަމުން އަންނަކަމަށް އިލްކެޝަންސް ކޮމިޝަނުން ވަނީ ބުނެފައެވެ.
މި އިންތިހާބަށް ކެމްޕެއިން ސިޔާސީ ޕާޓީތަކުން ފަށާފައިވާއިރު ސަރުކާރު ހިންގާ ޕީއެންސީގެ ޓީމުތައް ވަނީ ރަށްރަށަށް ދަތުރުތައް ފަށާފަފައެވެ.
