މި ކައްކާ ހޯދަނީ އެ ކުންފުނީގެ ކޮންސްޓްރަކްޝަން އެންޑް ޑްރެޖިން ޑިވިޝަނަށެވެ. މި މަގާމަށް މީހަކު ހޮވުމުގެ ސުންގަޑިއަކީ އަންނަ އަންގާރަ ދުވަސް ކަމަށް އެމްޓީސީސީއިން ބުންޏެވެ.
އެމްޓީސީސީއިން ކުރި އިއުލާނުގައިވާ ގޮތުން، މުސާރައިގެ އިތުރުން ކައްކާއަށް ސިއްހީ އިނާޔަތާއި ޕެންޝަން އިނާޔަތްވެސް ލިބޭނެއެވެ. މި މަގާމަށް ކުރިމަތިލާ ފަރާތްތަކުގައި ކަނޑުމަތީގައި ކައްކާއެއްގެ ގޮތުގައި މަދުވެގެން ދެ އަހަރުގެ ތަޖުރިބާ ލިބިފައި ހުންނަންވާނެއެވެ. އަދި ސެޓިފިކޭޝަން އެންޑް ވޮޗްކީޕިން ފޯ ސީފެއަރާސް (އެސްޓީސީޑަބްލިއު) މެނިލާ 2010 ގެ ދަށުން ހުރިހާ ސެޓްފިކެޓްތަކެއް ހުރުންވެސް ލާޒިމުކުރެއެވެ.
ކައްކާގެ މަސްއޫލިއްޔަތުތަކުގެ ތެރޭގައި ކްރޫއަށް ކެއުން ތައްޔާރުކުރުމާއި، ކާބޯތަކެތީގެ ސާފުތާހިރުކަން ބެލެހެއްޓުމާއި، ކެއުންތައް ތައްޔާރުކުރުމުގައި ބޯޓުގެ މާސްޓަރާ މަޝްވަރާކުރުމާއި، ކެއުންތަކުގެ ފެންވަރު ކަށަވަރުކުރުމާއި، ބޯޓުގެ ކައްކާބައި އަދި ޕްރޮވިޝަން ސްޓޯ ބެލެހެއްޓުމާއި، މާސްޓަރާ ގުޅިގެން ޕްރޮވިޝަން ސްޓޮކް ބެލެހެއްޓުމާއި އަދި ޕްރޮވިޝަން އެޑްމިނިސްޓްރޭޝަން ބެލެހެއްޓުން ހިމެނެއެވެ.
