މި ކުއްޖާ ނިޔާވީ މިދިޔަ އަހަރުގެ ނޮވެމްބަރުމަހުގެ 8 ވަނަދުވަހު ހިނގި މި ހާދިސާގައި މަރުވެފައިވަނީ ޖެނާ ޗެން ކިޔާ ސިންގަފޫރް އަންހެން ކުއްޖެކެވެ. ސިންގަޕޫރުގެ އެސްޓީ ޖޯސެފްސް އިންސްޓްޓިއުޓް (އެސްޖޭއައި) ކިޔަވަމުން އަންނަ 15 އަހަރުގެ ޖެނާ ރާއްޖެ އައިސް އުޅެނީ ސްޓަޑީ ޓްއާއެއްގައިކަމަށް ފުލުހުން ވަނީ ބުނެފައެވެ. އެ ކުއްޖާ ދިގުރަށު ސިއްހީ މަރުކަޒަށް ގެންދިޔައިރު ވެސް އޮތީ މަރުވެފައިވާކަމަށް އޭރުން ފުލުހުން ވަނީ ބުނެފައެވެ.
އެ ކުއްޖާގެ މަންމައާއި ބައްޕަ އިނގިރޭސި ނޫހެއް ކަމަށްވާ ދަ ޓައިމްސްއަށް ދީފައިވާ އިންޓަވިއުއެއްގައި ބުނީ މި މައްސަލާގައި ދިވެހި ފުލުހުން ހިންގަމުންދަނީ ފުރިހަމަ ތަހުގީގެއް ކަމަށް ގަބޫލު ނުކުރާ ކަމަށެވެ. އަދި ޖެެނާގެ މަންމަ ބުނީ އެމީހުްނެގ ދަރިގުޅު މަރަށް އިންސާފު ބޭނުންވާކަމަށެވެ.
ޖެނާ މަންމަ ބުނީ ދަރިފުޅުގެ މަރުވި ގޮތް ތަހުގީގުކުރަން އަމިއްލައަށް މަސައްކަތް ފަށާފައިވާކަމަށާއި މިކަމުގައި ބޯޓުން ދަތުރުކުރި މީހުންގެ ފަރާތުން މައުލޫމާތު ހޯދަން އުޅުމުން އެކަމަށް ހުރަސްއަޅާފައިވާކަމަށެވެ.
ދަރިފުޅު ޖެނާގެ މަރަށް އިންސާފު ހޯދުމަށް ރާއްޖެއިން ވަކީލެއް ހޯދުމުގެ މަސައްކަތް އެއާއިލާން ވަނީ ފަށާފައެވެ. އަދި އެކަމަށް ބޭނުންވާ ފައިސާ ހޯދުމަށް ފަންޑެއްވަނީ ހުޅުވާލާފައެވެ. އަދި މި ފަންޑަށް މިހާތަނަށް 6،595 ޕައުންޑު ލިބިފައިވާކަމަށް އެ އާއިލާއިން ބުނެއެވެ.
ޖެނާ މަރުވި ހާދިސާ ހިނގި ގޮތް ބެލުމަށް އެކުއްޖާ ނިސްބަތްވާ ސިންގަޕޫރޫގެ ޓީމެއް އޭރު ވަނީ ރާއްޖެ އައިސްފައެވެ. އެ ޓީމުގައި އެ ކުއްޖާގެ އާއިލާ ބައެއް މީހުންނާއި އެ ކުއްޖާ ކިޔަވަމުން އަންނަ ސްކޫލްގެ ބައެއް އިސްވެރިންވެސް ރާއްޖެ އައެވެ.
