ރައީސް ޑރ. މުހައްމަދު މުއިއްޒު ނ އަތޮޅަށް މާދަމާ ވަޑައިގަތުމަށް ވަނީ ހަމަޖެހިފައެވެ. އަދި މި ދަތުރުގައި މާފަރު އެއާޕޯޓަށް އިތުރު ކުރި ބައި ރަސްމީކޮށް ހުޅުވުމަށް ވަނީ ހަމަޖެހިފައެވެ.
މި ދަތުރާއި ގުޅިގެން އެމްޑީއޭއަށް ނިސްބަތްވާ ވެލިދޫ ދާއިރާގެެ މެމްބަރު މުހައްމަދު އައްބާސް ވަނީ ވަރަށް ބޮޑަށް ސަރުކާރަށް ފާޑު ވިދާޅުވެފައެވެ. އައްބާސް އެކްސްގައި ކުރެއްވި ޕޯސްޓެއްގައި ވިދާޅުވީ ރައީސްގެ މި ދަތުރު ކުރިޔަށް ގެންދަނީ ސިއްރުން ރޭވިގެންކަމަށެވެ. އެހެންކަމުން ޕީ.އެން.ސީ ގެ މަޖުލީސް މެންބަރުންނަށްވެސް މި ދަތުރާއި ގުޅޭ މައުލޫމާތު ނޭނގޭކަމަށެވެ. އަދި މި ދަތުރުގެ ބޭނުމަކީ ކައުންސިލް އިންތިބާހަށް ވޯޓް ހޯދަން ދޮގު ހެދުންކަމަށްވެސް އައްބާސް ވިދާޅުވިއެވެ.ބ
ތިންދުވަހުގެ ރައީސްގައި މި ދަތުރުގައި ނ އަތޮޅުގެ ރަށްތަކަށް ޒިޔާރަތްކުރައްވާ ކައުންސިލްތަކާއި ބައްދަލުކުރެއްވުމަށް ހަމޖެހިފައިވާކަން ވަނީ އެނގިފައެވެ. އަދި މި ދަތުރުގައި ނ. މާފަރު އެއާޕޯޓަށް ބޮޑުކުރި ބައި ރަސްމީކޮށް ހުޅުވަން ވަނީ ހަމަޖެހިފައެވެ.
