ރައްޔިތުންގެ މަޖިލީހުގެ މާލިއްޔަތު ކޮމިޓީގައި ބޭއްވި ބައްދަލުވުމެއްގައި އެ ސާވިސް އިން ބުނީ، ބާޒާރުން ލިބެން ހުރި އަގުގައި އަޅާ ނަމަ 17 މިލިއަން ރުފިޔާ ހަރަދުވާ އިމާރާތެއް، ގައިދީން ބޭނުންކޮށްގެން ގިނަވެގެން ތިން މިލިއަން ރުފިޔާއަށް ނިންމާލެވޭނެ އެވެ.
މި މަސައްކަތް ކުރަމުން އަންނަނީ ކަރެކްޝަންސް މުވައްޒަފުންގެ ކޯޕަރޭޓިވް ސޮސައިޓީ ކަމަށްވާ ޕްރިސްކޯއާ ހަވާލުކޮށްގެންނެވެ.
އެ ސާވިސް އިން ބުނީ ހަރަދު ކުޑަކުރެވުމުގެ އިތުރުން، ގައިދީންނާ ހަވާލުކޮށްގެން މަސައްކަތް ކުރުމުން އެ މީހުންގެ ރިހެބިލިޓޭޝަނަށް ވެސް ފައިދާކުރާ ކަމަށެވެ. ކަރެކްޝަނުން ބަލަހައްޓާ މާފުށީ ޖަލާއި ހުޅުމާލޭ ޖަލާއި ހިންމަފުށީގައި ހުންނަ އައްސޭރި ޖަލުގެ އެކިއެކި މަސައްކަތްތައް ވެސް މި ގޮތަށް ކުރަމުންދާ ކަމަށް އެ ސާވިސް އިން މައުލޫމާތުދިވެނެވެ. ނަމަވެސް މާލިއްޔަތު ކޮމިޓީން ވަނީ ޕްރިސްކޯއިން ބުނާ ހިސާބުތައް ކަށަވަރުކުރުމަށް އެ ޖަމިއްޔާގެ އޮޑިޓުތައް ހުށަހަޅަން އަންގާފަ އެވެ.
