މި ފެން ފުޅިތައް މިހާރު ވަނީ ފެޝަން އެކްސެސަރީއެއްގެ ގޮތުން ޒުވާނުންގެ މެދުގައި ވަރަށް މަގުބޫލު އެއްޗަކަށް ވެފައެވެ.
ތަރައްގީވެފައިވާ ބައެއް ގައުމުތަކުގެ ޖެން ޒީ ޒުވާނުންގެ ތެރެއިން ދެބައިކުޅަ އެއްބަޔަށްވުރެ ގިނަ މީހުން ބުނާގޮތުގައި ފެން ފުޅިއަކީ އެމީހުންގެ ސްޓައިލަށް މުހިންމު އެކްސެސަރީއެކެވެ. އަދި 19 ޕަސަންޓު މީހުން ވަކި ވަކި ތަންތަނަށް، މިސާލަކަށް އޮފީހަށާއި ޖިމަށް ބޭނުންކުރުމަށް ހަތަރު ނުވަތަ އެއަށްވުރެ ގިނަ ފެން ފުޅި ވެސް ގެންގުޅޭކަމަށް ބުންޏެވެ.
އޯވާލާ އަދި ސްޓޭންލީ ފަދަ ބްރޭންޑްތަކުން ލިމިޓެޑް އެޑިޝަންތަކެއްގެ ގޮތުގައި ނެރޭ ފެން ފުޅިތައް ގަތުމަށް ޒުވާނުން ވަރަށް އުނދަގޫވެއެވެ. މި ފެން ފުޅިތަކަކީ ސްޓޭޓަސް ސިމްބަލެއްގެ ގޮތުން ބަލައިގަނެވޭ އެއްޗެއްސަށް ވުމާއެކު، ފުޅިތައް ވަރަށް އަވަހަށް ހުސްވެގެން ގޮސް، ބައެއް ފަހަރު ހަގީގީ އަގަށްވުރެ ބޮޑު އަގުގައި އަލުން ވިއްކާ ފެން ފުޅި ވެސް ގަންނަންޖެއެވެ. މި ފެން ފުޅިތަކުގެ އަގު އެވަރެޖްކޮށް އުޅެނީ 16.70 ޕައުންޑުގައެވެ.، ސްޓޭންލީގެ ކްރޮސް ބޮޓްލް ފަދަ މޮޑެލްތަކުގެ އަގު 75 ޔޫރޯ އަށް ވެސް އަރައެވެ.
ސޯޝަލް މީޑިއާއިން މި ޓްރެންޑަށް ވަރަށް ބޮޑަށް ބާރުދޭކަން ފާހަގަކުރެވެއެވެ. ޓިކްޓޮކްގައި #ވޯޓަރޓޮކް ހޭޝްޓޭގަށް 2.5 ބިލިއަން ވިއުސް ލިބިފައިވާއިރު، #ސްޓޭންލީކުއެންޗާ ވެސް ވަރަށް މަގުބޫލެވެ. އިންފްލުއެންސަރުންނަށް މި ފެން ފުޅިތަކުގެ ސަބަބުން އެމީހުންގެ ސްޓައިލް ފެންނަންޖެހޭ ތަންތަނުގައި ދައްކާލުމުގެ ފުރުސަތެއް ލިބިފައިވެއެވެ. ނަމަވެސް ބައެއް ފަރާތްތަކުން މި ޓްރެންޑް ފާޑުކިޔާ، އިތުރަށް ގަންނަން ބާރުއެޅުމުގެ ސަބަބުން ތިމާވެއްޓަށް ރައްޓެހި ނޫންކަމެއްކަމަށް ބުނެފައިވެއެވެ.
