މިކަމާ ގުޅިގެން ކޯލްޑްޕްލޭގެ ލީޑް ލަވަކިއުންތެރިއާ ކްރިސް މާޓިންގެ "މި ދެމީހުން ސިއްރު ގުޅުމެއް ނޯންނަ ނަމަ ލަދެއް ނުގަންނާނެ" މިހެން ބުނެ ޖޯކު ޖެހުމާއެކު މުޅި ހާދިސާ ސޯޝަލް މީޑިއާގައި ވައިރަލްވެ 34 މިލިއަނަށްވުރެ ގިނަ މީހުން މި އެ ވީޑިއޯ ބަލާފައިވެއެވެ.
ޖުލައި 16 ވަނަ ދުވަހު ގިލެޓް ސްޓޭޑިއަމްގައި ބޭއްވުނު ކޮންސަޓުގައި ޖަމްބޯޓްރޮންއަށް ފެނުނު ވީޑިއޯގައި ބައިރަން، ކެބޮޓްގެ ގައިގައި އޮޅުލައިގަނެގެން ހުއްޓައި ދެމީހުން ކެމެރާއަށް ފެނުނުމުން ފިލަން މަސައްކަތްކުރާ މަންޒަރު ފެނއެވެ. މި ދެ މީހުންނަކީ ވެސް ކައިވެނިކޮށްގެން އުޅޭ ދެމީހުންނެވެ.
ޑޭޓާ އޯކެސްޓްރޭޝަންގެ ދާއިރާގައި ހަރަކާތްތެރިވާ، 1 ބިލިއަން ޑޮލަރަށްވުރެ އަގުބޮޑު ނިއުޔޯކްގެ ޔުނިކޯން ސްޓާޓްއަޕް ކުންފުނި އެސްޓްރޯނޯމާއިން މިކަމާމެދު އަދި ވަކި ބަޔާނެއް ނެރެފައެއް ނުވެއެވެ. އެހެންނަމަވެސް އިންޓަރނެޓްގައި ދައުރުވަމުންދާ ސީއީއޯގެ ނަމުގައި ނެރެފައިވާ މާފަށްއެދޭ ޕޯސްޓަކީ ދޮގު ޕޭރަޑީ އެކައުންޓަކުން އުފައްދާފައިވާ އެއްޗެއްކަމަށް ކުންފުނިން ބުންޏެވެ.
