މިދިޔަ ޖޫންމަހު ވަރީގެ 120 މައްސަލައެއް ހުށައަޅާފައިވާ ފެމެލީ ކޯޓުގެ ތަފާސް ހިސާބުތަކުން ދައްކައިފިއެވެ.
Advertisement
އެކޯޓުން އާއްމުކުރި ހިސާބުތައް ދައްކާގޮތުން މިދިޔަ މަހު ވަރީގެ 120 މައްސަލައެއް އެ ކޯޓަށް ހުށައަޅާފައިވާއިރު އޭގެތެރެއިން 86 މީހަކު ވަރިކޮށްދީ މައްސަލަ ވަނީ ނިންމާފައެވެ.
މިދިޔަ މަހު ހުށައެޅި ވަރީގެ މައްސަލަތައް
- ވަރިވުމަށް އެދި 61 މައްސަލަ
- ވަރިކުރުމަށް އެދި 15 މައްސަލަ
- ވަރި ސާބިތުކުރުމަށް އެދި 41 މައްސަލަ
- ވަރިއާއި މެދު ޝައްކުވެގެން 3 މައްސަލަ
މިދިޔަ މަހު ފެމެލީ ކޯޓުން 108 މައްސަލައެއް ވަނީ ނިންމާފައެވެ. އޭގެތެރޭގައި އެންމެ ގިނައީވެސް ވަރީގެ މައްސަލައެވެ.
ޖޫން މަހު ފެމެލީ ކޯޓުން ނިންމި މައްސަލަތައް
- ވަރީގެ މައްސަލަތައް: 86
- ކުޑަކުދިންނާއި ގުޅުންހުރި މައްސަލަތައް: 05
- ހަރަދުގެ މައްސަލަތައް: 06
- އާއިލީ އެހެނިހެން މައްސަލަތައް: 04
- ގެވެށި އަނިޔާއާ ގުޅޭ މައްސަލަތައް: 08
