ފުލުހުން މިއަދު ނެރުނު ބަޔާނެއްގައި ބުނީ 15 އަހަރުގެ ކުޑަކުއްޖާގެ މަރުގެ ތަހުގީގަށް، މި އަހަރުގެ މެއި މަހުގެ ތެރޭގައި ފުލުސް އޮފިސަރުން ސިންގަޕޫރަށް ގޮސް ސްޓަޑީ ޓުއާގައި އުޅުނު ދަރިވަރުންނާއި މުދައްރިސެއްގެ ބަޔާން ނަގާފައިވާކަމަށެވެ. އަދި ހުޅުވާލެވިފައިވާ ތަހުގީގެއް ކުރިއަށް ގެންގޮސް، ތަހުގީގު ނިންމައި، ފައިނަލް ރިޕޯޓް ކަމާބެހޭ އެންމެހާ އިދާރާތަކަށް ފޯރުކޮށްދޭނެ ކަމަށް ވެސް ފުލުހުން ގެ ބަޔާނުގައިވެެއެވެ.
މި ކުއްޖާ މަރުވި ހާދިސާ ހިނގިގޮތް ބަލަން އޭނާގެ އާއިލާއިން އަމިއްލަ ތަހުގީގެއް ވަނީ ފަށާފައެވެ. މިިޔަ މަހު އެ ކުއްޖާގެ މަންމައާއި ބައްޕަ އިނގިރޭސި ނޫހެއް ކަމަށްވާ ދަ ޓައިމްސްއަށް ދީފައިވާ އިންޓަވިއުއެއްގައި ބުނީ މި މައްސަލާގައި ދިވެހި ފުލުހުން ހިންގަމުންދަނީ ފުރިހަމަ ތަހުގީގެއް ކަމަށް ގަބޫލު ނުކުރާ ކަމަށެވެ. އަދި ޖެެނާގެ މަންމަ ބުނީ އެމީހުްނެގ ދަރިގުޅު މަރަށް އިންސާފު ބޭނުންވާކަމަށެވެ.
