މަތީން މިހެން ވިދާޅުވީ "ސީއެންއެމް" އަށް ދެއްވި ހާއްސަ އިންޓަވިއުއެއްގައި އެވެ.
މަތީން ވިދާޅުވީ، އެމްޑަބްލިއުއެސްސީ އިން އަމަލީ ގޮތުން މަސައްކަތް ފަށައި މި އަހަރު ތެރޭގައި ހދ. ކުޅުދުއްފުށީގައި ފެން އުފެއްދުމުގެ މަސައްކަތް މުޅިން އާ ގޮތަކަށް ކުރަމުންދާ ތަން ފެނިވަޑައިގަންނަވާނެ ކަމަށެވެ. މި މަސައްކަތް ކުރަމުންދަނީ ޖަޕާނު ސަރުކާރުގެ އެހީގައި ކަމަށްވެސް މަތީން ވިދާޅުވި އެވެ.
މަތީން އިތުރަށް ވިދާޅުވީ، ރާއްޖެއަކީ ގުދުރަތީ ވަސީލަތްތައް ގިނަ ތަނެއް ކަމަށާއި އެކަންތައްތަކަކީ ބަލައިގަނެ އަދި ދެނެގަނެގެން ކުރެވޭނެ ކަންތައްތަކެއް ކަމަށެވެ. ނަމަވެސް، މި ކަންތައްތައް ކުރުމުގައި ވަރަށް ގިނަ ގޮންޖެހުންތަކެއް ހުންނަ ކަމަށްވެސް މަތީން ވިދާޅުވި އެވެ.
މީގެ އިތުރުން އިރުގެ އަލި އެއީ ހަކަތަ އުފެއްދުމަށް ބޭނުން ކުރެވިދާނެ އެއްޗެއް ކަމަށާއި، ވީހާވެސް ބޮޑަކަށް އިރުގެ އަލި ބޭނުންކޮށްގެން އަވިން ހަކަތަ އުފައްދައިގެން ބޭނުން ކުރުން އެއީ އަމާޒަކަށް ވާންޖެހޭ ކަމެއް ކަމަށް ވެސް މަތީން ވިދާޅުވި އެވެ. މި އަމާޒަށް ވާސިލުވުމަކީ ރާއްޖޭގެ ދެމެހެއްޓެނިވި ތަރައްގީއަށް މުހިއްމު ކަމެއް ކަމަށް މަތީން ވިދާޅުވި އެވެ.
