އިންޑިއާގެ ސެންޓްރަލް ރިޒާވް ޕޮލިސް ފޯސްއިން ކުރިއަށްގެންދިޔަ މި ތަމްރީނު ޕްރޮގްރާމަކީ މި ޖުލައި މަހުގެ 8 އިން ފެށިގެން 10 ދުވަހުގެ މުއްދަތަށް ކުރިއަށްގެންދިޔަ ތަމްރީނެކެވެ.
މި ތަމްރީނުގައި ދިވެހި ފުލުހުންނަށް ވީއައިޕީ ސެކިއުރިޓީއާ ގުޅުންހުރި ގިނަ ހުނަރުތައް ދަސްކޮށްދީފައިވެއެވެ. މީގެ ތެރޭގައި ޕްރޮޓެކްޓިވް ސެކިއުރިޓީ ޓެކްޓިކްސް، ވެޕަންސް ޓްރެއިނިން، ޓެކްޓިކަލް ޓްރެއިނިން އަދި ފިޒިކަލް ޓްރެއިނިން ހިމެނެއެވެ.
ތަމްރީނު ޕްރޮގްރާމް ނިންމުމުގެ ރަސްމިއްޔާތުގައި ސެންޓްރަލް ރިޒާވް ޕޮލިސް ފޯސްގެ ޑިރެކްޓާ ޖެނެރަލް ގިޔަނެންޑްރަ ޕްރަޓާޕް ސިންޙެ ވިދާޅުވީ ތަމްރީނު ފުރިހަމަކުރި ދިވެހި ފުލުހުންގެ ޑިސިޕްލިން ވަރަށް ރަނގަޅު ކަމަށެވެ. އަދި ކުރިއަށް އޮތްތާނގައިވެސް މިފަދަ ފުރުސަތުތައް ދިވެހި ފުލުހުންނަށް ދެއްވާނެކަމުގެ ޔަގީންކަން ދެއްވިއެވެ. ދިވެހި ފުލުހުންގެ ވީއައިޕީ ސެކިއުރިޓީ ހިދުމަތް އިތުރަށް ހަރުދަނާކުރުމަށް މި ތަމްރީނަކީ މުހިންމު ފިޔަވަޅެއް ކަމުގައި ބެލެވެއެވެ.
