މި ބައްދަލުވުން ކުރިއަށް ގެންދިޔައީ މިއަދު ނ. މިލަދޫ ހިދާޔާ ސްކޫލުގައެވެ.
ބައްދަލުވުމުގައި ރަށުގެ ތަރައްގީއާ ގުޅޭ އެކި ކަންކަން ކައުންސިލުން ފާހަގަކޮށްފައިވެއެވެ. އޭގެތެރޭގައި މިހާރު ކުއްޔަށް ހިފާފައިވާ އިމާރާތެއްގައި ކައުންސިލް ހިންގަމުންދާތީ، ކައުންސިލް އިމާރާތް އަވަސްކޮށްދިނުމަށާއި، ހެލްތު ސެންޓަރަށް ނަރުހުން އިތުރުކޮށްދިނުމަށް އެދިފައިވެއެވެ. އަދި ކުޑަކުދިންގެ ޕާކަށް ބޭނުންވާ ތަކެތި ހޯދުމަށާއި، ރަށުގެ ބޯހިޔާވަހިކަމުގެ މައްސަލަ ހައްލުކުރުމަށްވެސް ރައީސްގެ އެހީތެރިކަމަށް އެދިފައިވެއެވެ.
ރައީސް މުއިއްޒު ވަނީ ކައުންސިލުން ފާހަގަކުރި ކަންކަން ބައްލަވާނެކަމަށް ވިދާޅުވިއެވެ. އަދި ބައްދަލުވުމުގައި ބައިވެރިވި މިނިސްޓަރުންނާއި ދައުލަތުގެ ކުންފުނިތަކުގެ ވެރިން މެދުވެރިކޮށް، ރަށުގައި ކުރިއަށްދާ މަޝްރޫއުތަކުގެ އަދާހަމަ މައުލޫމާތު ރައީސް ހިއްސާކުރެއްވިއެވެ. ބައްދަލުވުމުގައި ބައިވެރިވެފައިވަނީ މިލަދޫ ކައުންސިލުގެ މެންބަރުންނާއި ރަށުގެ އެކި މުއައްސަސާތަކުގެ އިސްވެރިންނެވެ.
