މިދިޔަ ހޯމަދުވަހު ޕޯސްޓްމޯޓަމް ހެދުމަށް އަބްދުއްރަހްމާންގެ ހަށިގަނޑު އިންޑިއާގެ ޓްރިވެންޑްރަމަށް ގެންދިޔުމަށް ފަހު ރޭ ވަނީ މާލެ ގެނެސްފައެވެ.
އަބްދުއްރަހުމާނުގެ ޖަނާޒާ ބާއްވަން ހަމަޖެހިފައިވަނީ މިއަދު މާލޭ އާސަހަރާގައެވެ. ކަށު ނަމާދު އޮންނާނީ މެންދުރު ނަމާދަށް ފަހުއެވެ.
އަބްދުއްރަހްމާނަށް ހަމަލާދީ މަރާލީ އއ. މާޅޮސް، މާހިޔާ ގޭގައި އޭނާ ނިދާފައި އޮއްވަ އެވެ. އެ ގެއަކީ އޭނާގެ ހުވަފަތް އަންހެނުން، ނާޒިމާގެ ގެ އެވެ. އަބްދުއްރަހްމާންގެ ގާތިލު އޭނާއަށް ހަމަލާދިން ވަގުތު އެ ގޭގައި ދިރިއުޅެމުން ދިޔައީ އަބްދުއްރަހްމާންގެ ދެމަފިރިން އެކަންޏެވެ.
އަބްދުއްރަހްމާން މަރައިލީ ސީދާ ކޮން ސަބަބަކާ ހެދި، ކޮންބައެއް ކަމެއް އަދި ނޭނގެ އެވެ. އެ މައްސަލައިގެ ތަހުގީގު ފުލުހުން ކުރަމުންދާއިރު، މިހާތަނަށް އަދި އެއްވެސް މީހަކު ހައްޔަރުކޮށްފައެއް ނުވެއެވެ.
މި މައްސަލައާ ގުޅިގެން ފުލުހުންގެ ހުއްދައާ ނުލާ މީހުން މާޅޮހުން ފޭބުން މިހާރު ވަނީ މަނާކޮށްފައެވެ. އަދި ރަށަށް އަރާ ފައިބާ މީހުން މޮނިޓާ ކުރުމުގެ މަސައްކަތް ފުލުހުން ދަނީ ކުރަމުންނެވެ.
