ކުރީގެ ސްޕޯޓްސް މިނިސްޓަރުން
ކުރީގެ ސްޕޯޓްސް މިނިސްޓަރުންގެ އަގު ވަޒަންކޮށްފި
ގުފްތަގް އަޖީރު
26 ޖުލައި 2025 - 14:26:53
ރާއްޖޭގައި ކުޅިވަރު ދާއިރާއަށް ހިދުމަތްކޮށްދެއްވި ކުރީގެ ސްޕޯޓްސް މިނިސްޓަރުންގެ ހިދުމަތުގެ އަގު ވަޒަންކުރުމަށް ސްޕޯޓްސް މިނިސްޓްރީން ހާއްސަ ރަސްމިއްޔާތެއް ބާއްވައިފިއެވެ.
Advertisement
ހަފުލާގައި އެކި ސަރުކާރުތަކުގައި ސްޕޯޓްސް މިނިސްޓަރުކަން ކުރައްވާފައިވާ 13 ބޭފުޅުންގެ ހިދުމަތުގެ އަގު ވަޒަންކޮށްފައިވެއެވެ.
ހަފުލާގައި ވާހަކަފުޅު ދައްކަވަމުން މިހާރުގެ ސްޕޯޓްސް މިނިސްޓަރު އަބްދުއްލާ ރާފިއު ވިދާޅުވީ ކުޅިވަރަށް ހިދުމަތްކުރެއްވި ބޭފުޅުންގެ މަސައްކަތްތަކާއި ކުޅިވަރުން ރާއްޖެއަށް ލިބިފައިވާ ކާމިޔާބީތައް އަރުޝީފުކުރުމަކީ މުހިންމު ކަމެއް ކަމަށެވެ. އަދި ރާއްޖޭގެ އަންނަން އޮތް ޖީލުތަކަށް އެކަން ވާސިލުކޮށްދިނުމަކީ ވަރަށް މުހިންމު ކަމެއް ކަމަށާއި، އެކަންކަން ކުރިއަށް ގެންދިއުމަކީ ރާއްޖެއަށް ކުޅިވަރުގެ ދާއިރާއިން އިތުރު ކާމިޔާބީތައް ހޯދުމަށް ލިބޭނެ ހިތްވަރެއް ކަމަށް ރާފިއު ވިދާޅުވިއެވެ.
ހަފުލާގައި އަގު ވަޒަންކުރެވުނު ބޭފުޅުންގެ ތެރޭގައި އަލްމަރުހޫމް އުމަރު ޒާހިރު، ރާޝިދާ ޔޫސުފް، ޑޮކްޓަރު މުހައްމަދު ޒާހިރު ހުސެއިން، އިބުރާހިމް ހުސެއިން މަނިކު، ހުސެއިން ހިލްމީ، މުހައްމަދު ވަހީދުއްދީން، ޑޮކްޓަރު އައިޝަތު ޝިހާމް، އަލްއުސްތާޒު ހަސަން ލަތީފް، މުހައްމަދު ހުސެއިން ޝަރީފް، މުހައްމަދު މަލީހު ޖަމާލް، އަހުމަދު ޒުހޫރު، އިރުތިޝާމް އާދަމް އަދި އަހުމަދު މަހުލޫފް ހިމެނެއެވެ. ނަމަވެސް މި ހަފުލާގައި ބައިވެރިވެވަޑައިގެންނެވީ އޭގެ ތެރެއިން ފަސް ބޭފުޅުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
