އިންޑީއާގެ ބޮޑުވަޒީރު މޯދީ ރާއްޖެއަށް ކުރެއްވި ޒިޔާރަތުގެ ތެރެއިން
މޯދީ ފުރާވަޑައިގެންފި، ވަޑައިގަތުމުން ރައީސްގެ މުއިއްޒުގެ ޝުކުރު
މުހައްމަދު އާދަމް އަހްމަދު
26 ޖުލައި 2025 - 19:16:19
ރާއްޖެއަށް ކުރެއްވި ރަސްމީ ދަތުރުފުޅު ނިންމަވާލެއްވުމަށްފަހު އިންޑިއާގެ ބޮޑުވަޒީރު ނަރެންދުރަ މޯދީ ފުރާވަޑައިގެންފިއެވެ.
Advertisement
ރައީސް ޑރ. މުހައްމަދު މުއިއްޒުގެ ދައުވަތަކަށް ބޮޑު ވަޒީރު މޯދީ ރާއްޖެ ވަޑައިގަތީ އިއްޔެ ހެނދުނުއެވެ.
މޯދީ ފުރާވަޑާއިގަތުމުން ރައީސް ޑރ. މުހައްމަދު މުއިއްޒު އެކްސްގައި ކުރެއްވި ޕޯސްޓެއްގައި ވިދާޅުވީ ރާއްޖެއަށް މޯދީ ވަޑައިގަތުމުން އެކަމަށް ޝުކުރު އަދާކުރައްވާކަމަށެވެ. އަދި ދެ ގައުމުގެ ދެމެދުގައި ވަރަށް މުހިއްމު މަޝްވަރާތަކެއް ކުރިޔަށް ގޮސްފައިވާކަމަށް ރައީސް މުއިއްޒު ވިދާޅުވިއެވެ. އަދި މުހިއްމު ދާއިރާތަކުން ހަތަރު އެމްއޯޔޫއާއި ތިން އެއްބަސްވުމެއްގައި ސޮއިކޮށް އެފް.ޓީ.އޭގެ މަޝްވަރާތައް ފެށިކަން ރައީސް މުއިއްޒު ފާހަގަކުރެއްވިއެވެ.
" އަޅުގަނޑުމެން އެކުގައި ރާއްޖޭގެ 60 ވަނަ މިނިވަން ދުވަސް ފާހަގަކޮށް، ރަސްމީ ގުޅުމަށް 60 އަހަރު ފުރުން ފާހަގަކޮށް، ހަނދާނީ ސްޓޭމްޕެއް ނެރެ، އިންޑިޔާގެ އެހީގެ ދަށުން ހިންގި ތަރައްޤީގެ މުހިންމު މަޝްރޫއުތައް އިފްތިތާޙްކޮށްދެއްވި. މި ދަތުރަކީ މުސްތަޤްބަލަށް ސާފު މަގެއް ކަނޑައެޅިގެންދިޔަ ހާއްސަ ދަތުރެއް." ރައީސް މުއިއްޒު އެކްސްގައި ކުރެއްވި ޕޯސްޓުގައިވެއެވެ.
ރާއްޖޭގެ މިނިވަންދުވަހާއި ދިމާކޮށް ބޮޑުވަޒީރު މޯދީ ރާއްޖެއަށް ކުރެއްވި ޒިޔާރަތުގައި މިއަދު ވަނީ މިނިވަންދުވަހުގެ މުނާސަބަތުގައި ބޭއްވި ހެވިކަމާއި ކުޅިވަރުގެ އައިޓަމްތައް ބައްލަވާލައްވާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
