ހުޅުމާލޭ އޮރެންޖް ހިޔާ ބިލްޑިންގައި ބޭއްވި ހާއްސަ ރަސްމިއްޔާތެއްގައި މި ސެންޓަރު ހުޅުވާދެއްވީ ރައީސް ޑރ. މުހައްމަދު މުއިއްޒުއެވެ.
ހުޅުމާލޭ ހޮސްޕިޓަލުގައި ޑަޔަލިސިސްގެ ހިދުމަތް ދޭންފެށީ 2012 ވަނަ އަހަރުއެވެ. އޭރު އެތަނުގައި 10 އެނދެވެ. ޒަމާނީ ވަސީލަތްތަކާއެކު ޑައިލަސިސް ސެންޓަރުން އަލުން މިއަދު ހުޅުވީ 30 އެނދާއިއެކުއެވެ.
މި ސެންޓަރު ހެދުމުގެ މަސައްކަތް އަމިއްލަ ދެ ކުންފުންޏަކާއި ހަވާލުކުރީ މިއަހަރުގެ ފެބްރުއަރީ މަހުގެ ތެރޭގައެވެ.
ހުޅުމާލެ ހޮސްޕިޓަލްގެ ޑަޔަލަސިސް ސެންޓަރު ހުޅުވުގެ ތެރެއިން
އާ ހިދުމަތްތަކާއެކު ޓާޝަރީ ފެންވަރުގައި ހުޅުމާ ހޮސްޕިޓަލް ރަސްމީކޮށް ހުޅުވީ މިދިޔަ އަހަރުގެ ނޮވެމްބަރުމަހުގެ 16 ވަނަ ދުވަހުއެވެ.
އެ ހޮސްޕިޓަލްގައި އަލަށް އިފްތިތާހު ކުރި ހިދުމަތްތަކުގެތެރޭގައި 10 އެނދުގެ އައިސީޔޫ ، ނިއޯނޭޓަލް ވެންޓިލޭޓާ ހިމެނޭ 14 އެނދުގެ އެންއައިސީޔޫ ،ސްޓެރައިލް ސާވިސް ޑިޕާޓްމަންޓް ސީއެސްއެސްޑީ އެއް އަދި މުޅިން އާ 4 އޮޕަރޭޝަން ތިއޭޓަރު ހިމެނެއެވެ.
