މިރޭ ފުޅަނދު ބުރު އޮންނާނީ ހުޅުމާލޭ ސެންޓަރަލް ޕާކުގައެވެ. ފުޅަނދު ބުރު ފަށާނީ މިރޭ 08:30 ގައެވެ.
ސަރުކާރުގެ ކުންފުނިތަކާއި އެކި އިދާރާތަކުންވެސް ފުޅަނދު ބައިވެރިކޮށްފައިވާއިރު، އެތަންތަނުންދޭ ހިދުމަތްތަކާއި ޒަމާނަށް އަންނަމުންދަ ބަދަލުތަކާއި ހޯދާކުރިއެރުންތަކާއި، މުސްތަގުބަލުގެ ތަސައްވުރުތައް ދައްކުވައިދިން ފުޅަނދުތަކަށް ބޮޑުތަރުހީބެއް ރޭ ވަނީ ލިބިފައެވެ.
ރޭ މާލޭގައި ފުޅަނދު ބުރު ކުރިޔަށްދިޔަ ވަގުތު ބަލާލަން ނުކުމެ ތިބި ކުދިން
މި ފަހަރުގެ ފުޅަނދުތައް ތައްޔާރުކުރީ ސަރުކާރުގެ ކުންފުނި ތަކުންނެވެ. މި ހަރަކާތުގައި 11 ކުންފުންޏަކުން ތަފާތު އެކި ފަރުމާތަކަށް ތައްޔާރުކޮށްފަވާ ފުޅަނދުތައް ވަނީ ދައްކާލާފަ އެވެ.
މިނިވަންދުވަހުގެ މުސާބަތުގައި ރޭ ބޭއްވި ފުޅަނދުބުރުގެ ތެރެއިން
މި ފުޅަނދުބުރުގައި ބައިވެރިކުރި ފުޅަނދުތަކުގެ ތެރޭގައި އާއްމުންގެ ސަމާލުކަން ލިބޭފަދަ ތަފާތު ފުޅަނދުތައް ހިމެނެ އެވެ. އަދި ކުޑަކުދިން ޝައުގުވެރިވާނެ ތަފާތު ފުޅަނދުތަކެއް މިއަހަރުގެ ފުޅަނދުބުރުންވެސް ފެނިގެންދާނެ އެވެ
