ޒުވާނާއަށް ހަމަލާދީ މަރާލި މައްސަލައިގަ ތުހުމަތު ކުރެވޭ ހދ. ނޮޅިވަރަމް، އަސަރީމަންޒިލް، މުހައްމަދު އިބްރާހިމް
މޫސަ މަރާލަން ހަމަލާދިން ކަމަށް ބެލެވޭ ވަޅި މޫދަށް ފީނައިގެން ހޯދައިފި
އަލީ މިދުހަތު
28 ޖުލައި 2025 - 20:17:54
ލ. މާވަށުގައި ތޫނު އެއްޗަކުން ހަމަލާދީ ޒުވާނަކު މިއަދު މަރާލި މައްސަލައިގައި އެ ހަމަލާދޭން ބޭނުންކުރި ކަމަށް ބެލެވޭ ވަޅި، މޫދު އަޑިން ފުލުހުން ހޯދައިފި އެވެ.
Advertisement
ފުލުހުން ވަޅި ހޯދީ، މަރުގެ މައްސަލައިގައި ހދ. ނޮޅިވަރަމް، އަސަރީމަންޒިލް، މުހައްމަދު އިބްރާހިމް ހައްޔަރުކޮށް ފަށާފައިވާ ތަހުގީގުގެ ތެރެއިންނެވެ.
ފުލުހުން މިރޭ ބުނީ މޫސައަށް ހަމަލާދިނުމަށް ބޭނުންކުރި ކަމަށް ބެލެވޭ ވަޅި ހޯދީ ފުލުހުންގެ ޓީމަކުން މޫދަށް ފީނައިގެން ކަމަށެވެ. އަދި ތުހުމަތަށް ހައްޔަރުކޮށްފައިވާ މީހާ އަކީ މަސްތުވާތަކެތީގެ މައްސަލަތަކުގެ ރެކޯޑް އޮންނަ މީހެއް ކަމަށް ވެސް ބުންޏެވެ.
އެރަށުން ވާހަކަ ދެއްކި މީހަކު ބުނީ މޫސާ އިބްރާހިމަށް ހަމަލާ ދީނީ އޭނާ ރަށު ވޮލީ ކޯޓް ކައިރީ ހުއްޓާ ކަމަށެވެ. އަދި އޭނާއަށް ހަމަލާދީފައި ވަނީ ފަހަތުން އައިސް ނޭނގި ހުއްޓާ ކަރަށް ކަމަށް ވެސް ރަށުން ވާހަކަ ދެއްކި މީހުން ބުނެ އެވެ.
"މޫސާ އިބްރާހިމަށް ވަޅިން ހަމަލާ ދީނީ ހެނދުނު 10 ޖަހާކަންހާއިރު. އޭނާ ސިއްހީ މަރުކަޒަށް ގެންދެވުނު އިރު ވެސް މަރުވެފައިވާކަމަށް ބުނޭ." އެރަށުން ވާހަކަ ދެއްކި މީހަކު ބުންޏެވެ.
ފުލުހުން މިއަދު ބުނީ މުހައްމަދު އިބްރާހިމް އަކީ މަސްތުވާތަކެތީގެ ރިކޯޑު އޮންނަ މީހެއް ކަމަށެވެ.
މި ހާދިސާގެ މައްސަލަ ފުލުހުން އަންނަނީ ތަހުގީގުކުރަމުންނެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
