ފުލުހުން ބުނީ ޖުލައި 27 ވަނަ ދުވަހު ހިންގި މި އޮޕަރޭޝަނުގައި 29 އަހަރާއި، 23 އަހަރުގެ ދިވެހި ދެ ފިރިހެން ޒުވާނުން ހައްޔަރުކުރެވިފައިވާކަމަށެވެ.
ފުލުހުން ދިން މައުލޫމާތުގައިވާ ގޮތުން މި ދެ ޒުވާނުން ބަލައިފާސްކުރިއިރު މަސްތުވާތަކެތި ކަމަށް ބެލެވޭ އެއްޗެއް ހުރި ދެ ކަރުދާސްކޮޅު ފެނިފައިވެއެވެ. މަސްތުވާތަކެތި ވިއްކައި ވިޔަފާރިކުރުން ހުއްޓުވުމަށް ފުލުހުން ކުރަމުންދާ މަސައްކަތުގެ ތެރެއިން ކުރިއަށްގެންދިޔަ މި އޮޕަރޭޝަނަކީ މަސްތުވާތަކެއްޗާ ދެކޮޅަށް ހިންގާ އޮޕަރޭޝަންތަކުގެ ތެރެއިން އެއް އޮޕަރޭޝަންކަމަށް ފުލިހުން ބުނެއެވެ.
މި މައްސަލައާ ގުޅިގެން ހައްޔަރުކުރެވުނު ދެ މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ދެ މީހުން ވެސް 15 ދުވަހަށް ބަންދުކުރުމަށް އަމުރުކޮށްފައިވެއެވެ. މަސްތުވާތަކެތީގެ މައްސަލަތައް ހުއްޓުވުމަށް ފުލުހުން ހަރުދަނާ ފިޔަވަޅުތައް އަޅަމުންދާކަމަށް ވަނީ ބުނެފައެވެ.
