ހަލީމް މިހެން ވިދާޅުވީ ކަރަންޓު ބެކްއަޕް ނެތުމުން ތެލެސީމިއާ ޕޭޝަންޓުންނަށް ލޭ އެޅުން މެދުކަނޑާލައިފިވާ ކަމަށާއި، ގިނައިރުވާނަމަ ރައްކާކުރެވިފައިވާ ލޭ ހަލާކުވާނެ ކަމަށް ބުނެ ސޯޝަލް މީޑިއާގައި އާންމުކުރި ޕޯސްޓަކަށް ރިޕްލައިކުރައްވަމުންނެވެ.
ހަލީމް ވިދަޅުވީ، ތެލަސީމިއާ ސެންޓަރުގައި ސްޓެލްކޯ ކަރަންޓް ހުރި ކަމަށާއި، ކަރަންޓް ކެނޑުމުން ވަގުތުން ބެކްއަޕް ކަރަންޓްވެސް ފޯރުކޮށްދީފައިވާ ކަމަށެވެ. އަދި ލޭއެޅުން މެދުކަނޑާލާފައި ނުވާނެ ކަމަށާއި، ކަރަންޓް ކެނޑުނު ވަގުތު ކްރޮސްމެޗް ހެދުން ފަސް ވަރަކަށް މިނިޓު މަޑުކޮށްލަންޖެހުނު ނަމަވެސް ރައްކާކޮށްފައިހުރި ލޭ އެއްވެސް ވަރަކަށް ކޮމްޕްރޮމައިޒް ނުވާ ކަމަށް ސީއީއޯ ވިދާޅުވިއެވެ.
މި މައްސަލައާ ގުޅޭ ގޮތުން މޯލްޑިވިއަން ބްލަޑް ސާވިސަސްއިން ބުނީ ބެކަޕް ކަރަންޓް ވަގުތުން އޮންވާނެ ކަމާއި، ބެހެއްޓިފައި ހުންނަ ލޭގެ ރައްކާތެރިކަމާއި ކޮލިޓީއަށް އަސަރެއް ނުކުރާނެ ގޮތަށް ކަންކަން އިންތިޒާމު ކުރެވިފައި ހުންނާނެކަމުގެ ޔަގީންކަން ދީފައެވެ.
