ޖިއްދާއިން ރާއްޖެއަށް އަންނަން އޮތް އުމުރާވެރިން ގޮވައިގެން އަންނަ މޯލްޑިވިއަން ފުލައިޓަކަށް އިންޖީނު މައްސަލައެއް ދިމާވެ، ފުލައިޓް ނުފުރި ގިނަ އިރުތަކެއް ވަންދެން ޑިލޭވެއްޖެއެވެ.
Advertisement
މޯލްޑިވިއަންގެ Q2 6360 ފުލައިޓްގެ އިންޖީނަށް މައްސަލަ ޖެހިގެން ޖިއްދާ އެއަރޕޯޓުގައި މަޑުކުރަން ޖެހުނު ކަމަށް މައުލޫމާތު ލިބެއެވެ. މި މައްސަލަ ޖެހުނީ މޯލްޑިވިއަންއަށް އެންމެ ފަހުން ގެނައި އެއަރބަސް ބޯޓަށެވެ.
މި މައްސަލައާ ގުޅިގެން މޯލްޑިވިއަންގެ މީޑިއާއިން ބުނެފައިވަނީ ޖިއްދާއިން އުމުރާވެރިން ގޮވައިގެން އަންނަން އޮތް ފުލައިޓް ލަސްވެފައިވާ ކަމަށެވެ. ފުލައިޓް ފުރަން ހަމަޖެހިފައިވަނީ ސައުދީ ގަޑިން 3:55 ގައެވެ.
ދަތުރުގައި ތިބީ ހައްޖު ކޯޕަރޭޝަންގެ ހަވާލުގައި އުމުރާއަށް ދިޔަ މީހުން ކަމަށް މައުލޫމާތު ލިބެއެވެ.
