Advertisement

ސަރުކާރުގެ ފަރާތުން މި ބިލް ހުށަހެޅުއްވީ ވިލުފުށި ދާއިރާގެ މެންބަރު ހަސަން ވަހީދުއެވެ.

ސަރުކާރުން ބުނީ މި ބިލު ހުށައެޅުމުގެ ބޭނުމަކީ ދިވެހި ރާއްޖޭގެ ޒަކާތް ދެއްކުމާއި ބަލައިގަތުމާއި ޒަކާތުގެ ގޮތުގައި ލިބޭ މުދަލާއި ފައިސާ ބެހުމުގެ ކަންކަން ހަރުދަނާ ގާނޫނީ އޮނިގަނޑެެއްގެ ދަށުން ހިންގައި ބެލެހެއްޓުމަށްޓަކައި ދިވެހި ރާއްޖޭގެ ޒަކާތުގެ ނިޒާމުގެ ގާނޫނީ އޮނިގަނޑު ކަނޑައަޅާ އެ ނިޒާމު ހިންގުމާއި ހަމަތަކާއި އުސޫލްތައް ބަޔާންކުރުންކަމަށެވެ. 

މި ގާނޫނުގެ ދަށުން ޒަކާތު ކައުންސިލްގެ ނަމުގައި ކައުންސިލެއް އުފައްދަން ޖެހެއެވެ. ނުވަ މެމްބަރުން ތިބޭ މި ކައުންސިލްގެ ޒިންމާއަކީ ޒަކާތުގެ ކަންކަމުގައި އިސްލާމިކް މިނިސްޓަރާއި ޒަކާތު ހައުސްއަށް ލަފާ ދިނުމެވެ. 

ޒަކާތު ކައުންސިލް އެކުލިވެގެންވާ ގޮތް 

1. ރައީސް ކަނޑައަޅާ ދެ މެމްބަރުން (ސަރުކާރުގެ އެއްވެސް ވަޒީފާއެއްގައި ނޫޅޭ )
2. މިނިސްޓަރު 
3. އިސްލާމިކް މިނިސްޓްރީގެ އިސް މުވައްޒަފެއް 
4. ޑިރެކްޓާ ޖެނެރަލެއް
5. އެމްއެމްއޭގެ އިސް މުވައްޒަފުން ތެރެއިން އެކަކު 
6. ގުރުއާނާއި ބެހޭ މަރުކަޒުގެ އިސް މުވައްޒަފަކު 
7. ފިނޭންސް އިސް މުވައްޒަފުންގެ ތެރެއިން އެކަކު 
8. ފަތުވާ މަޖިލިހުގެ މެމްބަރެއް 

މި ކައުންސިލްގެ ދައުރަކީ ފަސް އަހަރެވެ. ބިލްގައިވާ ގޮތުން ގާނޫނަށް އަމަލުކުރަން ފަށާތާ 60 ދުވަހުގެ ތެރޭގައި ޒަކާތު ކައުންސިލް ރައީސުލްޖުމްހޫރިއްޔާ އެކުލަވާލަން ޖެހެއެވެ.