މިނިސްޓަރު ހަލީލް މިހެން ވިދާޅުވީ މަޖިލީހުގެ މިއަދުގެ ޖަލްސާގައި އެމްޑީޕީގެ ޕާލިމަންޓްރީ ގްރޫޕުގެ ލީޑަރު ހިތަދޫ ދެކުނު ދާއިރާގެ މެމްބަރު އިބްރާހިމް ނާޒިލް ކުރެއްވި ސުވާލަކަށް ޖަވާބު ދެއްވަމުންނެވެ.
ނާޒިލްގެ ސުވާލަކަށްވީ 'އިންޑިއާ އައުޓް' ޖެހި ޓީޝާޓެއްގައި ހުންނެވިންތޯ މިހެންނެވެ. ނާޒިލްގެ އެ ސުވާލަށް ޖަވާބު ދެއްވަމުން މިނިސްޓަރު ހަލީލު ވިދާޅުވީ އޭނާގެ އެފަދަ ފޮޓޯއެއް ސޯޝަލް މީޑިއާގައި ނޫޅޭ ކަމަށެވެ.
މިއަދުގެ ޖަލްސާގައި މެ،ްބަރަކު ކުރެއްވި ސުވާލަކަށް ޖަވާބު ދެއްވަމުން ހަލީލް ވިދާޅުވީ ޓްއަރިޒަމް ބޮއިކޮޓްކުރަން ގޮވާ ރާއްޖެއަށް ގެއްލުންވާ ގޮތަށް މަސައްކަތްކުރީ އިދިކޮޅު އެމްޑީޕީންކަމަށެވެ. ހަލީލް މިހެން ވިދާޅުވީ ކަނޑިތީމު ދާއިރާގެ އެމްޑީޕީ މެންބަރު އަމީން ފައިސަލް ސުވާލު ކުރެއްވުމުން ޖަވާބު ދައްވަމުންނެވެ. އަމީންގެ ސުވާލަކަށްވީ 'އިންޑިއާ އައުޓް' ކެމްޕެއިނަކީ އިދިކޮޅުގައި އޮތް އިރު ހެދި ގޯހެއް ކަމަށް މިނިސްޓަރު ގަބޫލު ކުރައްވަންތޯއެވެ.
އިދިކޮޅުގައި ޕީޕީއެމް ޕީއެންސީ އޮތް ދުވަސްވަރު ހިނގި 'އިންޑިއާ އައުޓް' ކެމްޕެއިންގައި މިހާރު ރައީސް ޑރ. މުއިއްޒު އާއި މި ސަރުކާރުގެ ވަޒީރުން ވަނީ 'އިންޑިއާ އައުޓް' ޖެހި ޓީޝާޓް ލައިގެން އިހްތިޖާޖުތަކުގައި ބައިވެރިވެފައެވެ.
