ފޯޅަވަހީގެ ރަށްތަކުގެ މައްސަލާގައި މޮރިޝަޝްއަށް ބޮޑުވަޒީރަށް ކުރީގެ ރައީސް އިބްރާހިމް މުހައްމަދު ސާލިހް ފޮނުވި ސިޓީ ރަސްމީކޮށް އާއްމުކުރީ މި ސަރުކާރުންނެވެ. އެ ސިޓީ މި ސަރުކާރުން އާއްމުކުރީ ރާއްޖޭގެ ކަނޑުގެ ސަރަހައްދުން ގެއްލުނު ކަމަށް ބުނާ ބައި ހޯދުމާ ބެހޭގޮތުން ކުރަމުން އަންނަ މަސައްކަތްތައް ހާމަކޮށް 19 ޑިސެމްބަރު 2023ގައި ނެރުނު ބަޔާނާ އެކީގައެވެ.
މަޖިލީހުގެ މިއަދުގެ ޖަލްސާގައި މެމްބަރަކު ކުރި ސުވާލަށް ޖަވާބު ދެއްވަމުން މިނިސްޓަރު ހަލީލް ވިދާޅުވީ ކުރީގެ ސަރުކާރުން ފޮނުވި ސިއްރު ސިޓީގެ ސަބަބުން ދިވެހި މަސްވެރިން، މަސްވެރިކަން ކުރަމުންދިޔަ ކަނޑުގެ ބޮޑު ސަރަހައްދެއް ދިވެހިންނަށް ގެއްލިގެންދިޔަ ކަމަށެވެ. އަދި އެކަމުގެ ސަބަބުން ރާއްޖޭގެ މަސްވެރިކަމަށްވެސް ބުރޫ އަރާފައިވާ ކަމަށެވެ.
ހަލީލް ވިދާޅުވީ މޮރިޝަޝްއަށް ބޮޑުވަޒީރަށް ކުރީގެ ރައީސް އިބްރާހިމް މުހައްމަދު ސާލިހް ފޮނުވި ސިޓީ އާއްމު ނުވިނަމަ އެ މައްސަލާގައި ކުރިޔަށް ދެވުނީސްކަމަށެވެ.
ހަލީލް ވިދާޅުވީ އެ މައްސަލާގައި އަދުގެ ސަރުކާރުން މިހާރު ކުރާ މަސައްކަތަކީ ބޭރުގެ އެކިއެކި ވަކީލުން ހޯދައިގެން އެ މައްސަލަ އިތުރަށް ރިވިއު ކުރުމުގެ މަސައްކަތްކަމަސެވެ.
