އިރުޝާދު މިގޮތަށް އެދިވަޑައިގެން ވާހަކަ ދެއްކެވީ ރައީސް ޑރ. މުއިއްޒު މިހާރު ބ. އަތޮޅަށް ކުރައްވަމުން ގެންދަވާ ދަތުރުފުޅުގައި މިއަދު ދޮންފަނު ރައްޔިތުންނާއި ބައްދަލުކުރުމަށް ބޭއްވި ޖަލްސާގައި ވާހަކަ ދައްކަވަމުންނެވެ.
ރައީސް މުއިއްޒު ވާހަކަ ދައްކަވާ ނިންމެވުމުން ދެން އަރާ ޖަލްސާގައި ވާހަކަ ދައްކަވަމުން ދޮންފަނު ކައުންސިލްގެ ރައީސް އަހްމަދު އިރުޝާދު ވިދާޅުވީ ދޮންފަނުގެ ތަރައްގީއަށް އިމާރާތަކަށްވުރެ ކައުންސިލަށް މާލީ ބާރުވެރިކަން ލިބުން މާ މުހިއްމުކަމަށެވެ.
ރައީސް މުއިއްޒު، ދޮންފަނު ކައުންސިލްގެ ރައީސް އިރުޝާދު އަދި ކައުންސިލްތަކާއި ބެހޭ މިނިސްޓަރު އާދަމް ޝަރީފް އުމަރު
މި ސަރުކާރަކީ ރައްޔިތުންގެ ބޭނުމަށް ވިސްނާ ޗަރުކާރުން ނިންމާފައިވާ ބައެއް ނިންމުންތައް ބަދަލުކޮށްފައިވާ ސަރުކާރެއްކަމުން ލާމަރުކަޒީ ގާނޫނަށް ގެނައި އިސްލާހުތައް ތަސްދީގު ނުކުރެއްވުމަށް އިރުޝާދު ވަނީ ރައީސް މުއިއްޒު އަރިހުން އެދިވަޑަައިގެންފައެވެ.
ކައުންސިލްތަކުގެ މާލީ ބާރުވެރިކަން ހަނިވާ ގޮތަށް ލާމަރުކަޒީ ގާނޫނަށް ގެނައި އިސްލާހަށް ގިނަ އަދަދެއްގެ ކައުންސިލްތަކުން ވަނީ ކަންބޮޑުވުން ފާޅުކޮށްފަ އެވެ.
