އުމްރާއަށް ގެންދާނެ ކަމަށް ބުނެ މީހުންގެ އަތުން ފައިސާ ނަގައި އަސްކޮއި ގުރޫޕުން ލަނޑުދިން މައްސަލަ ފެންމަތިވީ މިދިޔަ މަހު 17 ގައެވެ. މިއީ އެ ޖަމާއަތުން ބަޔަކަށް މި ގޮތަށް ލަނޑުދިން ތިންވަނަ ފަހަރެވެ
އެއް އާއިލާއަކަށް ނިސްބަތްވާ ހަ މީހަކު ވަނީ އުމްރާއަށް ދާން އެ ގްރޫޕަށް މީހަކަށް 42،000 ރުފިޔާގެ ރޭޓުން ޖުމްލަ 252،000 ރުފިޔާވެސް ދައްކާފައެވެ. އެހެންނަމަވެސް އުމްރާއަށް ނުގެންދެވޭނެކަން އަންގާ މީހުންނަށް ވަނި ލަނޑު ދީފައެވެ.
އަސްކޮއި ގްރޫޕުން އެމީހުންނަށް ލަނޑުދީ އުމްރާއަށް ނުގެންދިޔައީ އުމްރާއަށް ފުރަން ހަމަޖެހިފައިވާކަން އެންގުމަށްފަހު، މިވަގުތު ސައުދީ އަރަބިއްޔާއަށް ދަތުރުކުރުން ރައްކާތެރި ނޫންކަމަށާއި، ގަލްފުގެ ނުރައްކާތެރިކަން ރަނގަޅުވުމުން ދަތުރުކުރަން ކުންފުނިން ބޭނުންނުވާކަމަށް ބުނެއެވެ.
އަސްކޮއި ގްރޫޕަށް ފައިސާ ދައްކި މީހުން ބުނީ އުމްރާއަށް ނުގެންދިޔަތާ އެމީހުންގެ ޕާސްޕޯޓްވެސް ލިބުނީ އެ ގްރޫޕަށް ގުޅާތާ މަސްދުވަސް ވީ ފަހުންކަމަށެވެ. އެހެންނަމަވެސް އުމްރާއަށޤ ދާ ދެއްކި ފައިސާ މިހާތަނަށްވެސް ލިބިފައި ނުވާކަމަށް އެމީހުން ބުނެއެވެ.
ލަނޑު ލިބުނު މީހުން ބުނީ މި މައްސަލަ ހައްލުކޮށްދޭން ފުލުހުންނާއި އިސްލާމިކް މިނިސްޓްރީ އެބްމެ އެދެވޭ ގޮތުގައި މަސައްކަތް ކޮށްދޭ ތަން ނުފެންނެކަމަށެެވެ. އަދި ފައިސާ ހޯދަން ސިވިލްކޯޓަށް މައްސަލަ ހުށައަޅަން ފުލުހުން އެދިފައިވާކަމަށްވެސް އެމީހުން ބުނެެއެވެ. އެހެންކަމުން އެ މައްސަލަ ކޯޓަށް ހުށައެޅުމަށް ތައްޔާރުވަމުން އަންނަކަމަށް އެމީހުން ވަނީ ބުނެފައެވެ.
