މި ވަރުގަދަ ފެށުމުން ދައްކުވައިދެނީ މި ފިލްމަށް ބެލުންތެރިންގެ ހިތްތަކުގައި އުފެދިފައިވާ ވަރުގަދަ އެދުމާއި އިންތިޒާރެވެ. މި ފިލްމުގައި ހިމެނޭ އެކްޝަން މަންޒަރުތަކާއި، ފިލްމުގައި ހަރަކާތްތެރިވާ ބޮޑެތި ތަރިންގެ ސަބަބުން، ބެލުންތެރިންގެ މެދުގައި ވަރަށް ބޮޑު މަގުބޫލުކަމެއް ހޯދާފައިވާ ކަމަށް ރިޕޯޓް ތަކުން ބުނެ އެވެ.
މި ފިލްމު ވަނީ މިހާރުވެސް "ކެސަރީ ޗެޕްޓަ 2" އާއި 'ޖާޓް" ފަދަ ފިލްމުތަކުގެ ލައިފްޓައިމް ކަލެކްޝަން ހުރަސްކޮށް، އާ ރެކޯޑެއް ގާއިމްކޮށްފަ އެވެ. އަދި ފިލްމު ވިޔަފާރީގެ ތަޖުރިބާކާރުން ގަބޫލުކުރާ ގޮތުގައި، މި އަދަދުތައް ކުރިއަށް އޮތްތަނުގައި އިތުރަށް މަތިވާނެއެވެ.
ފިލްމާއި މެދު ބެލުންތެރިންގެ ދޫމަތިން ފެތުރެމުންދާ ބަސްތަކާއި، ކުރިއާލާ ޓިކެޓް ގަންނަ މީހުން ގިނަވުމުގެ ސަބަބުން، "ވޯރް 2" އަށް އަންނަން ހުރި ހަފްތާތަކުގައިވެސް މި ކާމިޔާބީ ދެމިގެންދާނެ ކަމަށް ލަފާކުރެވެ އެވެ.
