ރޮނާލްޑީނިއޯއާ ޕެރަގުއޭގައި ހައްޔަރުކުރީ ވަގު ޕާސްޕޯޓެއްގައި އެ ގައުމަށް އެތެރެވި ކަމުގެ ތުހުމަތުގައެވެ. އޭބީސީ ނިވްސްއާ ވާހަކަ ދައްކަމުން ރޮނާލްޑީނިއޯ ބުނީ، މިއީ އޭނާ ދުވަހަކުވެސް އުއްމީދުކުރި ކަމެއް ނޫން ކަމަށެވެ.
ވަގު ޕާސްޕޯޓެއްގައި ޕެރެގުއޭއަށް އެތެރެވި މައްސަލައިގައި ރޮނާލްޑީނިއޯ އާއި އޭނާގެ ބޭބެ ރޮބާޓޯ ޑި އަސިސް ހައްޔަރުކުރީ މާރިޗު މަހުގެ ކުރީކޮޅު އެވެ. މީޑިއާ ރިޕޯޓްތައް ބުނާ ގޮތުގައި ވަގު ޕާސްޕޯޓެއްގައި ޕެރެގުއޭއަށް އެތެރިވި ރޮނާލްޑީނިއޯގެ ސައްހަ ޕާސްޕޯޓް އޮންނަނީ ބްރެޒިލްގެ އިމިގްރޭޝަނުން ދެހާސް އަށާރަ ވަނަ އަހަރުން ފެށިގެން ބްލޮކްކޮށްފަ އެވެ. އެއީ އޭނާއާއި ގުޅޭ ގޮތުން ބެލި މައްސަލައެއްގައި ދައްކަން ޖެހުނު ޖޫރިމަނާއެއް ނުދައްކާ އޮތުމުގެ ސަބަބުންނެވެ.
ރޮނާލްޑީނިއޯ
ޕެރަގުއޭގެ ޖަލުގައި ހުރި މުއްދަތުގެ ތެރޭގައި ރޮނާލްޑީނީއޯވަނީ ޖަލުގައި އޮތް ގައިދީންގެ ފުޓްބޯޅަ މުބާރާތެއްގައި ކުޅެ، މުބާރާތުގެ ޗެމްޕިއަންކަން އޭނާގެ ޓީމަށް ހޯދައިދީފަ އެވެ. ކަފާލާތުގެ ދަށުން ރޮނާލްޑީނިއޯ ގޭ ބަންދަށް ބަދަލުކޮށްފައިވާއިރު، އޭނާގެ ގޭ ބަންދުގެ މުއްދަތުގައި ހުންނާނީ ޕެރަގުއޭގެ ހޮޓަލެއްގަ އެވެ. ވަގު ޕާސްޕޯޓުގެ މައްސަލައިގައި އޭނާއަށް ހަ މަސް ދުވަހުގެ ޖަލު ހުކުމެއް އަންނާނެ ކަމަށް ބެލެވެ އެވެ.
މިހާރު ކުޅުން ހުއްޓާލާފައިވާ ރޮނާލްޑީނިއޯ އަކީ ދުނިޔޭގެ އެންމެ މޮޅު ކުޅުންތެރިޔާގެ މަގާމުވެސް ހޯދާފައިވާ ކުޅުންތެރިއެކެވެ. އޭނާވަނީ ދެހާސް ދެވަނަ އަހަރު ފީފާ ވޯލްޑްކަޕް ބްރިޒިލުން ކާމިޔާބު ކުރިއިރު މުހިއްމު ދައުރެއް އަދާކޮށްފަ އެވެ. ރޮނާލްޑީނިއޯވަނީ ބާސެލޯނާއާއި އެކުއެ ކްލަބާ އެކު ސްޕެނިޝް ލީގު ތިން ފަހަރު އަދި ޗެމްޕިއަންސް ލީގުވެސް ހޯދާފަ އެވެ.
