މި ހާދިސާއަކީ، މީގެ 15 އަހަރު ކުރިން، ސަރުކާރު ހިއްސާވާ ބޮޑު ކުންފުންޏަކުން އެ ކުންފުނީގެ އަންހެން މުވައްޒަފަކު، ބެޗިލާ އޮފް ސައިންސް (އޮނާސް) އިން ފުޑް ސައިންސް އެންޑް ނިއުޓްރިޝަން ކިޔަވަން ރާއްޖޭން ބޭރަށް ފޮނުވުމުން، އެ ކުއްޖާ ކިޔެވުން ދޫކޮށްލައި މާލެއަށް އެނބުރި އައި މައްސަލައެވެ.
މި މައްސަލައިގައި ސިވިލް ކޯޓުންވަނީ، އެ އަންހެން މުވައްޒަފާއެކު އެ ކުންފުނިން ވެފައިވާ އެއްބަސްވުމާ އެއްގޮތަށް ކޯސް ފުރިހަމަ ނުކުރާކަން، އަދި އެއްބަސްވީ ގޮތަށް ވަޒީފާވެސް އަދާނުކުރާކަން ފާހަގަކޮށްފައެވެ.
އެކަން އެގޮތަށް ހުރުމުން، ކޯޓުންވަނީ ހަތް ލައްކަ ރުފިޔާގެ ހުކުމެއް ދެ ހަފްތާ ތެރޭ ދައްކަން އެ ކުއްޖާގެ މައްޗަށް އަމުރުކޮށްފައެވެ. އެ ފައިސާއަކީ އެ ކުއްޖާއަށް ކިޔަވައިދިނުމަށް އެ ކުންފުނިން ހޭދަކުރި ފައިސާއެވެ.
މި މައްސަލަ ކޯޓުން ނިންމާފައިވަނީ އަންހެން ކުއްޖާގެ ގައިރު ހާޒިރުގައެވެ.
