ދަނޑުވެރިކަމާއި ދިރޭ ތަކެއްޗާ ބެހޭ މިނިސްޓްރީން ބުނީ އެ މިނިސްޓްރީން އެމްޓީސީސީއާ ބައްދަލުކޮށްފައިވާކަމަށެވެ.
މި ބައްދަލުވުމުގައި އެމްޓީސީސީއިން ދަނޑުވެރިންގެ އުފެއްދުންތައް އުފުލުމަށްޓަކައި އެގްރޯނެޓް ބޯޓުތައް އެ ކުންފުނީގެ އުޅަނދުތަކުގެ ތެރޭގައި ހިމަނައިގެން ހިންގުމަށް ޝައުގުވެރިކަން ފާޅުކުރިކަމަށް މިނިސްޓްރީން ބުނެއެވެ.
ރައީސް އޮފީހުގެ އިސްފަރާތްތަކުގެ ނިންމުމެއް ބޭނުންވާކަމަށާއި މިނިސްޓްރީގެ އިރުޝާދާއެކު، މި ނިންމުން ނިމުމުން މިކަން ކުރިއަށް ގެންދިއުމަށް ތައްޔާރަށް، ތިބިކަމަށް މި ބައްދަލުވުމުގައި އެމްޓީސީސީން ބުނިކަމަށް މިނިސްޓްރީން ވަނީ ބުނެފައެވެ.
މީގެ އިތުރުން އެމްޓީސީސީއިން މިހާރުވެސް ފެރީ ހިދުމަތްތަކުގެ ތެރެއިން ތާވަލުތަކެއް ހަދާފައިވާކަމަށާއި، އެ ތަފްސީލުތައް މިނިސްޓްރީއާ ހިއްސާކުރާނެކަމަށް އެމްޓީސީސީން ބުނިކަމަށްވެސް މިނިސްޓްރީން ބުނެއެވެ. އަދި އެ ތާވަލުތައް މުރާޖައާކޮށް، ލޮޖިސްޓިކްސްގެ ޕްލޭނެއް އެކުލަވާލުމަށްފަހު އެ މައުލޫމާތު ދަނޑުވެރިންނަށް އަންގައިދިނުމާއި ގުޅޭގޮތުން މަޝްވަރާކުރިކަމަށްވެސް މިނިސްޓްރީން ބުނެއެވެ.
