ads
ރައީސް ޖާނަލިސްޓް އެސޯސިއޭޝަނާ ބައްދަލުކުރެއްވުމުގެ ތެރެއިން
ްްމިއީ މީޑިއާ ޕްރޯ ސަރުކާރެއް ނޫސްވެރިންގެ އަޑުއަހާނަން: ރައީސް
މިއީ މީޑިއާ ޕްރޯ ސަރުކާރެއް ކަމަށާއި ނޫސްވެރިންގެ އަޑުއަހާނަނޭ ކަމަށް ރައީސް ޑރ.މުހައްމަދު މުއިއްޒު ވިދާޅުވެއްޖެ އެވެ.
Advertisement

ރައީސް މިހެން ވިދާޅުވެފައި މަޖިލީހަށް ހުށަހަޅާފައިވާ މީޑިޔާ ކޮންޓްރޯލް ކުރުމުގެ ބިިލާ ދެކޮޅަށް އިހްތިޖާޖް ކުރަމުންދާ ނޫސްވެރިންނާއި ބައްދަލުކުރައްވާ ވާހަކަ ދައްކަވަމުންނެވެ. 

ރައީސް ވިދާޅުވީ ސަރުކާރުން އެއްގޮތަކަށްވެސް މީޑިއާތަަކަށް ބާރު ފޯރުވަން ބޭނުން ނުވާ ކަމަށާއި އެ ބިލަށް މީޑިއާތަކުގެ ހިޔާލު ހޯދާ އެއަށް ގެންނަންޖެހޭ ބަދަލެއް ގެންނަވާނެ ކަމަށެވެ.

މީގެ އިތުރުން މެންބަރުން އައްޔަނު ކުރުމުގައިވެސް ސަރުކާރުގެ އެއްވެސް ދައުރެއް ބާއްވަން ބޭނުންފުޅު ނުވާކަމަށް ވެސް ރައީސް ވިދާޅުވިއެވެ.

އަދި މިހާރު ރައްޔިތުންގެ މަޖިލީހަށް ހުށަހެޅިފައިވާ ބިލުގެ ވަކި ވަކި މާއްދާތަކުގައި ހުރި ކަންބޮޑުވުންތަކަށް ސަރުކާރުގެ ފަރާތުން އިސްލާހު ހުށަހަޅުއްވާނެކަމަށްވެސް ވިދާޅުވި އެވެ.

"ރާއްޖޭގެ މީޑިއާގެ މިނިވަންކަން ދެމެހެއްޓުމަށް ހުރިހާ ފަރާތްތަކަށް ސަރުކާރުން އަބަދުވެސް އެއްބާރުލުން ދެއްވާނެކަމުގެ ޔަޤީންކަން މިއަދުގެ ބައްދަލުވުމުގައި މޯލްޑިވްސް ޖާނަލިސްޓް އެސޯސިއޭޝަނަށް ރައީސުލްޖުމްހޫރިއްޔާ ވަނީ ދެއްވައިފައެވެ." ރައީސް އޮފީހުން ބުންޏެވެ

ރައީސް މިހެން ވިދާޅުވެފައި ވަނިކޮށް ބަންޑާރަ ނައިބު އަހުމަދު އުޝާމް ވިދާޅުވީ މީޑިޔާ ކޮންޓްރޯލް ކުރަން މަޖިލީހަށް ލާފަ ބިލާ މެދު ކަންބޮޑު ވާންޖެހޭ އެއްވެސް ކަމެއް ފެނިވަޑައިނުގަންނަވާކަމަށާއި މީގެ 3 އަހަރު ކުރިން ހުށަހަޅާފައިވާ ބިލާ މިހާރު ހުށަހަޅާފައިވާ ބިލާ ވަރަށް ބޮޑަށް ތަފާތުކަމަށެވެ. 

އުޝާމް ވިދާޅުވި މީޑިއާތައް ރެގިއުލޭޓްކުރަން ޖެހިފައިވާ ކަމަށާއި ނަމަވެސް ސަރުކާރުން މީޑިއާތަކަށް ބާރު ފޮރުވަން ބޭނުން ނުވާކަމަށެވެ.

ބިލުގައި މީޑިއާތަކާއި ނޫސްވެރިންނާ ދެކޮޅަށް ހަރުކަށި ފިޔަވަޅުތަކެއް ހުރި ކަމަށް އޭނާ ގަބޫލުނުކުރައްވާ ކަމަށް ވެސް އުޝާމް ވިދާޅުވި އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް