ގެޒުޓުގައި ކޮށްފައިވާ އިއުލާނުގައި ވާގޮތުން ހުޅުމާލެގައި އިމާރަތްކުރުމަށް ހަމަޖެހިފަވާ ދާރުލްސަލާމް އަދި މާލޭގައި އިމާރަތްކުރުމަށް ހަމަޖެހިފަވާ ދާރުލްއަރުޤަމް ޕްރޮޖެކްޓްގެ ކޮންސަލްޓެންސީ ދޭނެ ފަރާތެއް ހޯދަންބޭނުންވެ އެވެ.
މިކަމަށް ޝައުގުވެރިވެލައްވާ ފަރާތްތަކުން އަންދާސީ ހިސާބު ހުށަހެޅުމަށް ރަޖިސްޓްރީ ކުރައްވާ، މަޢުލޫމާތު ސާފުކުރެއްވުމަށްފަހު މިނިސްޓްރީއަށް ވަޑައިގެން އަންދާސީ ހިސާބު ހުށަހެޅުއްމަށް އިސްލާމިކް މިނިސްޓްރީން ވަނީ އެދިފައި އެެވެ.
މި އިއުލާނާއި ގުޅޭ މައުލޫމާތު ކަރުދާސް ބިޑަށް ރަޖިސްޓްރީ ކުރައްވާ ހުރިހާ ފަރާތްތަކަށް، މެއިލް މެދުވެރިކޮށް ފޮނުވޭނެ ކަމަށް އެ އިދާރާއިން ބުނެ އެވެ.
މީގެ އިތުރުން ބީލަމުގައި ބައިވެރިވެލައްވަން އެދޭ ފަރާތްތަކުން 2025 ސެޕްޓެންބަރު 03 ވާ ބުދަ ދުވަހުގެ 14:00 ގެ ކުރިން އިސްލާމިކް މިނިސްޓްރީން ދެއްވާފައިވާ ލިންކުން ރަޖިސްޓްރީ ވުމަށް އެ މިނިސްޓްރީ ވަނީ އެދިފައި އެވެ.
އަންދާސީ ހިސާބު ހުށަހެޅުން އޮންނާނީ 2025 ސެޕްޓެންބަރު 10 ވާ ބުދަ ދުވަހުގެ 10:30 ގައި ކަމަށާއި އަންދާސީ ހިސާބު ހުށަހެޅުމަށް ރަޖިސްޓްރީ ނުކުރައްވާ ފަރާތްތަކަށް އަންދާސީ ހިސާބު ހުށަހެޅުމުގެ ފުރުސަތު ނޯންނާނެ ކަމަށް އެ ވުޒާރާއިން ބުނެއެވެ.
އިތުރު މަޢުލޫމާތު ބޭނުންފުޅުވާ ފަރާތްތަކުން 2025 ސެޕްޓެމްބަރު 07 ވާ އާދިއްތަ ދުވަހުގެ 13:00 ކުރިން އިސްލާމިކް މިނިސްޓްރީ ގެ [email protected] މެއިލް އިން ނުވަތަ 3020261 އަދި 3020252 އަށް ގުޅައިގެން މައުލޫމާތު ސާފު ކުރެވޭނެ ކަމަށް އެ އިއުލާނުގައިވެ އެވެ.
