ads
ތިލަމާލެ ބުރިޖުގެ މަސައްކަތް ކުރިއަށްދަނީ
އިންޖިނޭރުކަމަކީ ހަމައެކަނި ވަޒީފާއެއް ނޫން: ރައީސް
އިންޖިނޭރުކަމަކީ ހަމައެކަނި ވަޒީފާއެއް ނޫން ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
Advertisement

އެ މަނިކުފާނު މިހެން ވިދާޅުވެފައިވަނީ ދިވެހިި ރާއްޖޭގެ އިންޖިނޭރުންގެ ދުވަހުގެ މުނާސަބަތުގައި ކުރެއްވި ޓްވީޓެއްގައި އެވެ.

ރައީސް ވިދާޅުވީ އިންޖިނީރު ކަމަކީ ގައުމު ބިނާކުރުމަށާއި އިންސާނިއްޔަތަށްޓަކައި ކޮށްދެވޭ ވަރަށް އަގުހުރި ހިދުމަތެއް ކަމަށާއި އިލްމާއި ހިލްމާއި ދުރުވިސްނުމުގެ ބޭނުން ހިފަންޖެހޭ ހާއްސަ ހުނަރެއް ކަމަށެވެ. 

ދިވެހީންގެ މުސްތަގުބަލުގެ އުންމީދުތަކުގައި ހަގީގީ ކުލަ ޖެއްސުމުގައި އިންޖިނޭރުންގެ ދައުރު ވަރަށް ބޮޑު ކަމަށް ރައީސް ވަނީ ފާހަގަ ކުރައްވާފައި އެވެ.    

ރާއްޖޭގެ އިންޖިނޭރުންގެ ދުވަހަކީ ކޮންމެ އަހަރެއްގެ 30 އޮގަސްޓް ކަމަށް ނިންމަވާފައިވާކަން ރައީސް އޮފީހުން އިއުލާނުކޮށްފައި ވަނީ 15 ޖޫން 2025 ވަނަ ދުވަހު އެވެ.

ދިވެހިރާއްޖޭގެ އިންޖިނޭރުންގެ ދުވަހުގެ ގޮތުގައި އޮގަސްޓު މަހުގެ 30ވަނަ ދުވަސް ރައީސް ހަމަޖެއްސެވީ، މި ގައުމުގެ ތާރީހުގައި މިހާތަނަށް ހިންގުނު އެންމެ ބިޔަ އުމްރާނީ ތަރައްގީގެ މަސްރޫއު ކަމުގައިވާ، ސިނަމާލެ ބުރިޖު އިފުތިތާހުކުރެވުނު ދުވަހަކީ، އޮގަސްޓު މަހެއްގެ 3 0ވަނަ ދުވަސް ކަމަށްވާތީ އާއި އިންޖިނޭރުންގެ ދުވަހުގެ ގޮތުގައި ފާހަގަކުރުމަށް އެންމެ އެކަށީގެންވާ ދުވަހަކީ، އެ ދުވަސް ކަމަށްވާތީ ކަމުގައި ރައީސްގެ އޮފީހުން ނެރުއްވި ދެންނެވުމުގައި، ބަޔާންކުރައްވާފައިވެ އެވެ.

ރައީސް އޮފީހުން އެ ބަޔާނުގައި ހާމަ ކުރެއްވިގޮތުގައި ދިވެހިރާއްޖޭގެ އިންޖިނޭރުންގެ ދުވަސް ފާހަގަކުރެއްވުމުގެ އެންމެހައި ކަންކަން ކުރިއަށް ގެންދަވާނީ، މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރުންނެވެ.  

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް