ރައީސް މިހެން ވިދާޅުވީ ސިނަމާލޭ ބްރިޖު ހުޅުވުނުތާ 7 އަހަރުގެ މުނާސަބަތުގައި ޝޯސަލް މީޑިޔާ ޕްލެޓްފޯމް އެކްސްގައި ކުރެއްވި ޕޯސްޓެއްގައި އެވެ.
ރައީސް ފާހަގަ ކުރެއްވިގޮތުގައި މި ބްރިޖުން ރަމްޒުކޮށްދެނީ ދެ ގައުމުގެ ދެމެދުގައި ގާތް އަދި އެކުވެރި ގުޅުން ކަމަށާއި ޗައިނާ އަކީ ރާއްޖޭ އަށް އެންމެ ކުރިންސުރެންވެސް އެންމެ ގާތް ގުޅުމެއް ބާއްވަމުން އަންނަ ގައުމު ކަމަށެވެ.
ރައީސް އިތުރަށް ވިދާޅުވީ ޗައިނާ އާއި އޮތް ގުޅުން އިތުރަށް ބަދަހިވެގެން ގޮސްފައިވަނީ މި ބްރިޖުގެ ސަބަބުން ކަމަށެވެ.
ބުރިޖު އެޅުމަށް ޖުމްލަ 300 މިލިއަން ޑޮލަރު (4.6 ބިލިއަން ރުފިޔާ) ހަރަދުވެފައިވެ އެވެ. އެ ފައިސާގެ ތެރެއިން 100 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 170 މިލިއަން ޑޮލަރު ޗައިނާ އިން ދޭނީ ލޯނު އެހީގެ ގޮތުގަ އެވެ. އެ ލޯނުގެ އިންޓްރެސްޓަކީ ދެ ޕަސެންޓެވެ. ބުރިޖް އެޅުމަށް ދިވެހި ސަރުކާރުން 30 މިލިއަން ޑޮލަރު ޙާރަދުކުރާނެ ކަމަށް ފައިނޭންސް މިނިސްޓްރީއިން އޭރު ބުނެފައިވެ އެެވެ.
ސިނަމާލެ ބްރިޖް ހުޅުވާފައިވަނީ 2018 ވަނަ އަހަރުގެ އޮގަސްޓް 30 ވަނަ ދުވަހު އެވެ. އެ ބްރިޖް ހުޅުވުމަށް ބޮޑު ރަސްމީޔާތެއް ބޭއްވިގެން ދިޔަ އެވެ. އެ ގޮތުން ހަވާ އެރުވުންވެސް ކުރިޔަށް ދިޔަ އެވެ
