ސީޕީ މިހެން ވިދާޅުވެފައިވަނީ 40 ވަނަ ފުލުހުންގެ އަސާސީ ތަމްރީން ކޯހުގެ ދަސްވެނިވެ ހިނގާލުމުގެ ރަސްމިއްޔާތުގައި ވާހަކަދައްކަވަމުންނެވެ.
ސީޕީ ވިދާޅުވީ ފުލުހުންގެ ޔުނީފޯމަކީ މަސްއޫލިއްޔަތާއި ޒިންމާތަކާއެކު ކޮނޑުގައި އެޅިފައިވާ ވާޖިބެއްގެ ނިޝާންކަމަށާއި ފުލުހުންގެ އަސާސީ ތަމްރީން ކޯހުން ދަސްވެނިވުމަކީ މި ދަތުރުގެ ފެށުންކަމަށެވެ.
ނަވީން ފާހަގަ ކުރެއްވި ގޮތުގައި ފުލުހުންނަކީ އަބަދުވެސް ގާނޫނުތަކާއި ގަވައިދުތަކަށް ބޯލަނބާ ބަޔަކަށް ވާންޖެހޭނެކަމަށާއި ރައްޔިތުންގެ އިޙްތިރާމް ހޯދުމަށް ފުލުހުން އަބަދުވެސް މަސައްކަތް ކުރަންވާނެކަމަށާއި، އިންސާފުވެރިކަމާއި ލޯތްބާއިއެކު ހިދުމަތްކުރަންވާނެކަމަށެވެ.
ނަވީން ވަނީ ރަސްމިއްޔާތުގައި ދަސްވެނިވި ފުލުހުން ކުރި ބުރަ މަސައްކަތް ފާހަގަކުރައްވައި، ދަސްވެނިވި ފުލުހުންނަށް މަރުހަބާ ދަންނަވާފަ އެވެ.
ފުލުހުންގެ 40 ވަނަ އަސާސީ ތަމްރީނު ކޯހުގައި 138 ދަރިވަރުން ބައިވެރިވިއިރު ކޯސް ނިންމާފައިވަނީ 116 ބައިވެރިންނެވެ. އަދި ފުލުހުންގެ 40 ވަނަ އަސާސީ ތަމްރީނު ކޯހުން ހުރިހާ ގޮތަކުން އެންމެ މޮޅު ދަރިވަރަކަށް ހޮވިފައި ވަނީ ސާޖަންޓް މުހައްމަދު އަރުޝަދެވެ.
