އެކްސްގައި މިއަދު ފަލާހް ކުރެއްވި ޕޯސްޓެއްގައި ވިދާޅުވީ ގައުމުގެ އަމަންއަމާންކަމާ ސުލްހައަށް ލޯބިކޮށް  ތެދު ހަބަރާ މައުލޫމާތު ހަގީގަތާއި އެއްގޮތަށްޗގެނެސްދޭ ރައްޔިތުންގެ އިތުބާރުޗލިބިފައިވަނީ 4 ނޫހަކަށްކަމަށެވެ. އެހެންނަމަވެސް އެއީ ކޮން ނޫސްތަކެއްކަމެއް ފަލާހަށް ވިދާޅުވާކަށް ނުކުރުނެވެ. 

ފަލާހް ވިދާޅުވީ ނޫސްވެރިން ފަތުރު ހަބަރުތަކުން އާއިލާތައް ރޫޅި އެތައް ބައެއްގެ ވަޒީފާ ގެއްލެމުންދާކަމަށެވެ. އަދި ނޫސްވެރިންނަށް މީޑިއާ ބިލް ކަމުނުދަނީ ފައިސާކޮޅެއް ދޭ މީހާ ބުނާގޮތަށް ދޮގު ހަބަރު ނުލިޔެވޭނެތީކަމަށްވެސް ފަލާހް ވަނީ ތުހުމަތު ކުރައްވާފައެވެ.

ފަލާހް މިހެން ވިދާޅުވެފައި މިވަނީ މިނިވަން މީޑިއާ ނެތިކޮށްލުމުގެ ބޭނުމުގައި ރައްޔިތުންގެ މަޖިލީހަށް ހުށަހަޅާފައިވާ ބިލްާއި މެދު ނޫސްވެރިން ކަންބޮޑުވުން ފާޅުކޮށް އެކަމާއި ގުޅިގެން ރައީސް މުއިއްޒަށް ޕެޓިޝަނެއް އިއްޔެ ހުށައަޅާފައިވަނިކޮށެވެ. އެ ޕެޓިޝަންގައި ރާއްޖޭގެ 41 މީޑިއާ އަކުން 151 ނޫސްވެރިން ވަނީ ސޮއިކޮށްފައެވެ.