Advertisement

20 ވަނަ ރައްޔިތުން މަޖިލީހުން ގަވައިދަށް ގެނައި ބަދަލާއި އެކު މިހާރު ތިއްބެވި މެމްބަރުންގެ މާލީ ބަޔާންތައް ހުށައަޅަންޖެހޭ އެންމެ ފަހުގެ ތާރީހަކީ އޮގަސްޓް 31 އެވެ. އެހެންނަމަވެސް މި މުއްދަތު ހަމަވިއިރުވެސް މަޖލީހުގެ ފަސް މެމްބަރު ވަނީ އަދިވެސް މާލީ ބަޔާން ހުށަނާޅައެވެ. 

މާލީ ބަޔާން ހުށަނާޅާ މެމްބަރުން

• ފޭދޫ އުތުރު ދާއިރާގެ މެމްބަރު އިސްމާއީލް ނިޒާރު / ( ވެރިކަންކުރާ ޕީއެންސީ )
• މައްޗަންގޮޅި މެދު ދާއިރާ މެމްބަރު އަހުމަދު ޒަމީރު / ( ވެރިކަންކުރާ ޕީއެންސީ )
• މާފަންނު ހުޅަނގު ދާއިރާގެ މެމްބަރު މުސްތަފާ އިބްރާހީމް / ( ވެރިކަންކުރާ ޕީއެންސީ )
• ކުރެންދޫ ދާއިރާގެ މެމްބަރު މުހައްމަދު ޝާހީން / ( ވެރިކަންކުރާ ޕީއެންސީ )
• މާފަންނު އުތުރު ދާއިރާގެ މެމްބަރު މުހައްމަދު ނާޒިމް / ( އެމްއެންއެފް )

މާލީ ބަޔާން ހުށަނާޅާ މެމްބަރުންގެ ބަޔާންތައް ހުށައެޅުމަށް މަޖިލީހުގެ ގަވާއިދުގެ ދަށުން 15 ދުވަހުގެ ނޯޓިހެއް މެމްބަރުންނަށް އަމީން އާއްމު އިއްޔެ ފޮނުވާފައިވާކަމަށް މަޖިލީހުން ބުނެއެވެ. 

މަޖިލީހުގެ ގަވައިދު ބުނާގޮތުން މާލީ ބަޔާން ހުށަނާޅައިގެން ދިން މުއްދަތު ހަމަވާއިރު ބަޔާން ހުށަނާޅައިފިނަމަ މަޖިލީހުގެ ޖަލްސާއެއްގައި ރިޔާސަތުން އެ މެމްބަރެއްގެ ނަން އިއްވައި، ތަޅުމުން ނެރުމަށް ލާޒިމްކުރެއެވެ.