އެމްޑީޕީގެ ފުރަތަމަ ވެރިކަމުގައި ތަރައްގީގެ މަޝްރޫއުތަކަށް ކައުންސިލްތަކުން އެއްކޮށްފައިހުރި ފައިސާވެސް ލޫޓުވާލާފައިވާ ކަމަށް، ކެލާ ދާއިރާގެ މެމްބަރު އަބްދުﷲ ޝަރީފް ވިދާޅުވެއްޖެއެވެ.
Advertisement
މެމްބަރު ޝަރީފް މިފަދައިން ވިދާޅުވީ ޓީވީ ޕްރޮގްރާމެއްގައި ވާހަކަ ދައްކަވަމުން ކައުންސިލްތައް ބާރުވެރިކުރުވާ ވާހަކައަށް އިޝާރާތް ކުރައްވަމުންނެވެ.
އޭނާ ވިދާޅުވީ، "ރައްޔިތުންނާއި ކައުންސިލްތަކުން ބުރަ މަސައްކަތްކޮށްގެން ހޯދި ފައިސާކޮޅު، އެއްވެސް ސުވާލެއް ނުކޮށް ނުވަތަ ރައްޔިތުންގެ ހުއްދައެއް ނެތި ނަގާފައިވާ،" ކަމަށެވެ. އަދި "ބައެއް ރަށްރަށުގައި ލޯނު ނަގައިގެން ފޯރުކޮށްދެމުންދިޔަ ކަރަންޓުގެ ހިދުމަތް ނުވަތަ އިންޖީނުގެތައް ވެސް ނަގާފައިވަނީ ބާރުގެ ބޭނުންކޮށްގެން ކަމަށް،" މެމްބަރު ޝަރީފް ފާހަގަކުރެއްވިއެވެ. އެއީ އެމްޑީޕީން ލާމަރުކަޒީ ނިޒާމު ބާރުވެރިކުރުވި ގޮތް ކަމަށް އޭނާ ވިދާޅުވިއެވެ.
ނަމަވެސް، ލާމަރުކަޒީ ނިޒާމު ހަރުދަނާ ކުރެއްވުމަށް އަދުގެ ރައީސް ކުރައްވަމުން ގެންދަވާ މަސައްކަތްޕުޅަކީ ތައުރީފު ހައްގު މަސައްކަތްޕުޅެއް ކަމަށް މެމްބަރު ޝަރީފް ވިދާޅުވިއެވެ. އެގޮތުން، 2026 ވަނަ އަހަރުން ފެށިގެން ކައުންސިލްގެ ބަޖެޓުން، އ.ތ.މ ކޮމެޓީތަކަށް ދެމުން އަންނަ ބަޖެޓް ދެގުނަ ބޮޑުކުރައްވައި، ކައުންސިލްތަކަށް ހިލޭ އެހީ ދޭ ބްލޮކް ގްރާންޓުގެ ފިސްކަލް ފޯރމިއުލާ މުރާޖަޢާކުރެއްވުމަށް ރައީސް ވަނީ ނިންމަވައިފައެވެ.
