އުމުރުން 68 އަހަރުގެ ޗިތުރަކާރު މަރުވެފައިވަނީ މުޒާހަރާގެ ބައިވެރިން އޭނާގެ ގެކޮޅަށް ރޯކޮށްލުމުން ލިބުނު ބޮޑެތި އަނިޔާތަކަށް ފަރުވާ ދެމުން ދަނިކޮށް ކަމަށް، އާއިލީ މަސްދަރުތަކުން ބުނެއެވެ. މި ހާދިސާއަކީ ނޭޕާލްގެ ގައުމީ ހާލަތު އިތުރަށް ގޯސްކޮށްލި ކަމެއްގެ ގޮތުގައި ފާހަގަވެއެވެ.
ނޭޕާލުގެ ކުރީގެ ބޮޑުވަޒީރު އަނބިކަބަލުންނާއެކު
މި ހާދިސާ ހިނގާފައިވަނީ ކާޓްމަންޑޫގެ ޑައްލޫ ސަރަހައްދުގައި ހުންނަ ޗިތުރަކާރުގެ ގެކޮޅަށް މުޒާހަރާގެ ބައިވެރިން ވަދެގަނެ ރޯކޮށްލުމުންނެވެ. ރިޕޯޓުތައް ބުނާ ގޮތުގައި، މުޒާހަރާގެ ބައިވެރިން ވަނީ ޗިތުރަކާރު ގެއިން ނުކުންނަން އުޅުނު ވަގުތު އަނބުރާ ގޭތެރެއަށް ވައްދައި، ދޮރުތައް ބަންދުކުރުމަށްފަހު ރޯކޮށްލާފައެވެ. އޭނާއަށް ވަރަށް ބޮޑަށް އަނިޔާވެ ކީރްތިޕޫރު ބާން ހޮސްޕިޓަލަށް ގެންދެވުނު ނަމަވެސް، ފަރުވާ ދެމުން ދަނިކޮށް ވަނީ މަރުވެފައެވެ. މި ހާދިސާ ހިނގިއިރު ކުރީގެ ޕްރައިމް މިނިސްޓަރު ޖަހާލާ ނާތް ހާން އެގެކޮޅުގައި ހުންނެވި ކަމަށް ނުބެލެވެއެވެ.
ނޭޕާލްގައި މިހާރު ހިނގަމުންދާ މުޒާހަރާތައް ފެށިފައިވަނީ ސަރުކާރުން ސޯޝަލް މީޑިއާގެ ބައެއް ޕްލެޓްފޯމްތައް ބަންދުކުރުމުގެ ނިންމުމަކާ ގުޅިގެންނެވެ. ނަމަވެސް، މި މުޒާހަރާތައް ވަނީ ކޮރަޕްޝަން، ވަޒީފާ ނެތުން، އަދި ސިޔާސީ ނެޕޯޓިޒަމް ފަދަ ގިނަ ކަންބޮޑުވުންތަކަކަށް ފުޅާވެފައެވެ. ޗިތުރަކާރުގެ މަރުގެ ހާދިސާއާއެކު މިހާތަނަށް މުޒާހަރާތަކުގައި މަރުވި މީހުންގެ އަދަދު 22 އަށް އަރާފައިވާ އިރު، ގިނަ ބަޔަކަށް ވަނީ އަނިޔާވެފައެވެ. ގައުމުގެ ހާލަތު ގޯސްވުމާއެކު ޕްރައިމް މިނިސްޓަރު ކޭ.ޕީ. ޝަރްމާ އޮލީ އާއި ރައީސް ރާމް ޗަންދުރާ ޕައުޑެލް ވެސް ވަނީ މަގާމުން އިސްތިއުފާ ދެއްވާފައެވެ.
