މާލޭ ސިޓީ ކައުންސިލްގެ ހުރިހާ ހިދުމަތްތައް މިހާރު އެއް އިމާރަތަކުން ލިބޭނެ
ކައުންސިލްގެ ހުރިހާ ހިދުމަތެއް ބޭރުމަގުން، އެއް އިމާރާތަކުން
މުހައްމަދު އާދަމް އަހްމަދު
12 ސެޕްޓެމްބަރ 2025 - 10:37:06
މާލޭ ކައުންސިލްގެ ހުރިހާ ހިދުމަތެއް އެއް އިމާރާތަކުން ލިބޭނެ އިންތިޒާމު ހަމަޖައްސައިިފިއެވެ.
Advertisement
މޭޔަރު އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ މީގެ ކުރިން މާލެ ސިޓީ ކައުންސިލުން ދެމުން ދިޔަ ހިދުމަތްތައް މާލޭގެ އެކި އިމާރާތްތަކުން ދޭން ޖެހުމުގެ ސަބަބުން ރައްޔިތުން އުފުލަމުން ދިޔަ ތަކްލީފްތަކަށް ނިމުމެއް ގެނައުމަށް ކުރެވުނު ބުރަ މަސައްކަތުގެ ތެރެއިން، އެންމެ ބޮޑު އެއް އަމާޒަކަށްވީ މާލެ ސިޓީ ކައުންސިލްގެ ހުރިހާ ޙިދުމަތެއް އެއްތަންކުރުންކަމަށެވެ.
" އަދި މިހާރު އެކަން ހަގީގަތަކަށް ވެފައިވާކަން އުފަލާއެކު ފާހަގަ ކުރަން. އަޅުގަނޑުގެ އުންމީދަކީ މާލެ ސިޓީގެ ރައްޔިތުންނަށް އަވަސް، ފަސޭހައިން ހިދުމަތް ދޭތަނަކަށްވެ، ރާއްޖޭގެ ނަމޫނާ ކައުންސިލަކަށް، މާލެ ސިޓީ ކައުންސިލް ވެގެންދިއުން." އާޒިމް އެކްސްގައި ކުރެއްވި ޕޯސްޓުގައި ވިދާޅުވިއެވެ.
މާލޭ ސިޓީ ކައުންސިލުން ދެމުން އައި ހިދުމަތްތައް މިހާތަނަށް ދެމުން އައީ މާލޭ އެކި ސަރަހައްދުގައި ހުންނަ ކައުންސިލްގެ އެކި އޮފީސްތަކުންނެވެ. އެހެންނަމަވެސް ބޮޑުތަކުރުފާނު މަގުގައި ހުންނަ ކައުންސިލްގެ އިމާރާތަށް ކައުންސިލުން ދެމުން އަންނަ ހުރިހާ ހިދުމަތްތަކެއް ވަނީ ބަދަލުކޮށްފައެވެ. އަދި ކައުންސިލްގެ ހިދުމަތް ހޯދުމަށް 1622 ގެ ގޮތުގައި ގުޅޭނެ ނަމްބަރެއްވެސް ވަނީ ތައާރަފުކޮށްފައެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
