ގއ އަތޮޅު ތައުލީމީ މަރުކަޒާއި ގދ އަތޮޅު ތައުލީމީ މަރުކަޒުގެ އަންހެން ދަރިވަރުންނަށް ހާއްސަކޮށްގެން އިންފޮމޭޝަން، ކޮމިއުނިކޭޝަން އެންޑް ޓެކްނޮލޮޖީ ޕްރޮގްރާމްގެ ތެރެއިން
ބީއެމްއެލުން އައިސީޓީ ދާއިރާގެ މައުލޫމާތު ސެޝަނެއް ބާއްވައިފި
އަމީޝާ ޝަގީމް
14 ސެޕްޓެމްބަރ 2025 - 21:42:53
ޓެކްނޮލޮޖީ ދާއިރާގައި ހަރަކާތްތެރިވާ އަންހެނުންގެ ބައިނަލްއަގުވާމީ ދުވަސް ފާހަގަކުރުމުގެ ގޮތުން ހުވަދޫ އަތޮޅުގެ އަންހެން ދަރިވަރުންނަށް ހާއްސަކޮށް، ގައުމީ ބޭންކް ބީއެމްއެލުން އިންފޮމޭޝަން ކޮމިއުނިކޭޝަން އެންޑް ޓެކްނޮލޮޖީ (އައިސީޓީ)ގެ ޕްރޮގްރާމެއް ހިންގައިފި އެވެ.
Advertisement
ބީއެމްއެލްގެ ޓެކްނޮލޮޖީ ޑިވިޜަންގެ އަންހެން މުވައްޒަފުންގެ ޓީމަކުން ހިންގި މި ޕްރޮގްރާމްގައި އައިސީޓީ ދާއިރާގެ މައުލޫމާތާއި މި ދާއިރާގައި އަދާކުރެވޭ ވަޒީފާތަކާ ބެހޭގޮތުން މައުލޫމާތު ދިނުން ހިމެނެ އެވެ.
ގްރޭޑް 6 އަދި 7 ގެ އަންހެން ދަރިވަރުންނަށް ހިންގި މި ޕްރޮގްރާމްގައި މިދާއިރާއިން ކެރިއާ ބިނާ ކުރާނެ ގޮތާއި މެންޓަރޝިޕް ސެޝަނެއްވެސް ބޭއްވުނެވެ.
އަދި ޕްރޮގްރާމްގެ ބައެއްގެ ގޮތުން، ބީއެމްއެލްއިން ކޮންމެ ސްކޫލަކަށް ކޮމްޕިއުޓާ ސިސްޓަމެއް ހަދިޔާ ކުރިއެވެ.
މިއީ އިންޓަނޭޝަނަލް ގާލްސް އިން އައިސީޓީ ޑޭ ފާހަގަކުރުމަށް ހިންގޭ މި ޕްރޮގްރާމްގެ ވިދިވިދިގެން ތިންވަނަ އަހަރެވެ. ކުރީ އަހަރުތަކުގައި މި ޕްރޮގްރާމް ބާއްވާފައިވަނީ އއ. މަހިބަދޫ، ފުވައްމުލައް ސިޓީ އަދި އައްޑޫ ސިޓީގަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
