މާފުށި ޖަލު
މާފުށީ ޖަލު ފާސްކޮށް، 33 ފޯނު ހޯދައިފި
އަލީ މިދުހަތު
15 ސެޕްޓެމްބަރ 2025 - 00:04:37
މާފުށި ޖަލުގައި ތިބޭ ބައެއް ގައިދީން، ސްކޭމް މައްސަލަތަކުގައި ބައިވެރިވާ ކަމަށް ފާހަގަވުމުން ފުލުހުން ޖަލު ބަލައިފާސްކޮށް 33 ފޯނު ހޯދައިފި އެވެ.
Advertisement
ފުލުހުން ބުނީ އެ އިދާރާ އަށް ހުށަހެޅޭ ސްކޭމް މައްސަލަތަކާ ގުޅިގެން ކުރި ތަހުގީގުގައި އެނގެނީ އެފަދަ ބައެއް މައްސަލަތަކުގައި މާފުށީ ޖަލުގައި ބަންދުކޮށްފައި ތިބޭ ގައިދީންގެ ބައިވެރިވުން އޮންނަ ކަމަށެވެ.
އެހެންވެ، ބުރާސްފަތި ދުވަހު ހިންގި އޮޕަރޭޝަނުގައި އެ ތަން ބަލައިފާސްކޮށްފައިވާއިރު، ފުލުހުން ބުނީ އެތަނުން އެކި ބްރޭންޑުތަކުގެ 33 ފޯނާއި އިޔާޕޮޑާއި ހެޑްސެޓާއި ފޯނު ޗާޖުކުރާ ކޭބަލާއި ސިމްކާޑު ފެނިފައިވާ ކަމަށެވެ.
އެ މައްސަލަ އިތުރަށް ތަހުގީގު ކުރަމުން އަންނަ ކަމަށް އެ އިދާރާ އިން ބުންޏެވެ.
ސްކޭމްގެ މައްސަލަތައް ފެންމަތިވާ މިންވަރު މިފަހުން ވަނީ އިތުރުވެފަ އެވެ. ޒަމާނަށް އަންނަ ބަދަލުތަކާއެކު އެކި އުކުޅުތައް ބޭނުންކޮށްގެން އޮޅުވާލައިގެން މީހުންގެ އަތުން ފައިސާ ހޯދަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
