އެއް އަހަރު ދުވަހުގެ ކޮންޓްރެކްޓަކަށް ހޯދާ މި މީހާގެ މައިގަނޑު މަސައްކަތަކަށްވާނީ ކޮމިޝަނުގެ އިމޭޖް ރީ-ބްރޭންޑިންގ އަދި ޕީ.އާރު ޔުނިޓުގެ މަސައްކަތްތައްކުރުން ކަމަށް ސިވިލް ސަރވިސް ކޮމިޝަނުގެ އިއުލާންގައިވެއެވެ.
މުސާރައަށް 10،000 އަދި 20،000 ރުފިޔާގެ އެލަވަންސެއްދޭ މި މަގާމުގެ ޝަރުތަކީ މަލްޓިމީޑިއާ ނުވަތަ އާޓްސް އެންޑް ޑިޒައިން ނުވަތަ ގްރެފިކް ޑިޒައިން ނުވަތަ މިދާއިރާތަކާ ގުޅުންހުރި ދާއިރާއަކުން މޯލްޑިވްސް ނެޝަނަލް ކޮލިފިކޭޝަންސް ފްރޭމްވޯކްގެ ލެވެލް 5 ނުވަތަ 6 ގެ ސަނަދެއް ހާސިލްކޮށްފައިވުމާއެކު މަލްޓިމީޑިއާ ނުވަތަ އާޓްސް އެންޑް ޑިޒައިން ނުވަތަ ގްރެފިކް ޑިޒައިން ނުވަތަ މިދާއިރާތަކާ ގުޅުންހުރި ދާއިރާއަކުން 3 އަހަރު ދުވަހުގެ މަސައްކަތު ތަޖުރިބާ ލިބިފައިވުން ނުވަތަ ޖީ.ސީ.އީ އޭ ލެވަލް ފުރިހަމަ ކޮށްފައިވުމާއެކު މަލްޓިމީޑިއާ ނުވަތަ އާޓްސް އެންޑް ޑިޒައިން ނުވަތަ ގްރެފިކް ޑިޒައިން ނުވަތަ މިދާއިރާތަކާ ގުޅުންހުރި ދާއިރާއަކުން 5 އަހަރު ދުވަހުގެ މަސައްކަތު ތަޖުރިބާ ލިބިފައިވުން ނުވަތަ، ޖީ.ސީ.އީ އޯ ލެވަލް ފުރިހަމަ ކޮށްފައިވުމާއެކު މަލްޓިމީޑިއާ ނުވަތަ އާޓްސް އެންޑް ޑިޒައިން ނުވަތަ ގްރެފިކް ޑިޒައިން ނުވަތަ މިދާއިރާތަކާ ގުޅުންހުރި ދާއިރާއަކުން 7 އަހަރު ދުވަހުގެ މަސައްކަތު ތަޖުރިބާ ލިބިފައިވުމެވެ.
ސިވިލް ސަރވިސް ކޮމިޝަނުން ހޯދާ މަލްޓިމީޑިއާ ކޮންސަލްޓަންޓްގެ މައިގަނޑު މަސްއޫލިއްޔަތުތައް:
- ލޯގޯ، ޓައިޕޯގްރަފީ، ކަލަރ ޕެލެޓް، އިމޭޖަރީ ސްޓައިލް އަދި އެހެނިހެން ވިޝުއަލް އެލިމެންޓްސް ހިމެނޭހެން ބްރޭންޑް ގައިޑްލައިން ތައްޔާރުކުރުން.
- ކޯޕަރޭޓް އައިޑެންޓިޓީ އާ ގުޅުން ހުރި ޑިޒައިން ކޮންޓެންޓް ތައްޔާރުކުރުން.
- ކޮމިޝަނުގެ ވެބްސައިޓް އަދި މީސް މީޑިއާ އަށް ބޭނުންވާ ފޮޓޯ ނަގައި އެޑިޓްކުރުން.
- ކޮމިޝަނުގެ ވެބްސައިޓްގެ ފްރޮންޓް އެންޑް މަސައްކަތްތައްކުރުން.
- ކޮމިޝަނުގެ މަސައްކަތްތައް ޑޮކިއުމަންޓްކުރުމުގެ މަސައްކަތްތައް (ފޮޓޯ އަދި ވީޑިއޯ)
- ކޮމިޝަނުގައި ބޭނުންކުރާ ލިޔެކިޔުންތަކުގެ އައު ޓެމްޕްލޭޓް ތައްޔާރުކުރުން.
- ޙަވާލުވެފައިވާ މަސައްކަތްތަކާއި ގުޅިގެން އަދާކުރަންޖެހޭ އެހެނިހެން މަސްޢޫލިއްޔަތުތައް އަދާކުރުމާއި ޚާއްސަ ޙާލަތްތަކާއި ގުޅިގެން ސުޕަވައިޒަރ ހަވާލުކުރާ މަސައްކަތްތައްކުރުން.
