ގައުމީ ހިދުމަތުގެ ތަމްރީނަށް ދަރިވަރުން ފުރުރުން
ގައުމީ ހިދުމަތަށް ތައްޔާރުވާން 340 ޒުވާނުން މާފިލާފުއްޓަށް ދަތުރު ފަށައިފި
ގުފްތަގް އަޖީރު
17 ސެޕްޓެމްބަރ 2025 - 14:33:52
ދިވެހިރާއްޖޭގެ ގައުމީ ހިދުމަތުގެ ޕްރޮގްރާމުގެ ތަމްރީނު ފެށުމަށް ހަމަޖެހިފައިވާ ފުރަތަމަ ބެޗު މިއަދު ފުރައިފިއެވެ.
Advertisement
މި ބެޗުގައި ހިމެނޭ 340 ޒުވާނުން ވަނީ ތިން މަސް ދުވަހުގެ ތަމްރީނު ފުރިހަމަ ކުރުމަށް ޅ. މާފިލާފުއްޓަށް ދަތުރު ފަށާފައެވެ.
ޑިފެންސް މިނިސްޓްރީން ހިންގާ މި ޕްރޮގްރާމުގައި ބައިވެރިވުމުގެ ފުރުސަތު ހުޅުވާލުމުން ޖުމްލަ 1244 ޒުވާނުން ވަނީ ކުރިމަތިލާފައެވެ. އެ މިނިސްޓްރީން ބުނި ގޮތުގައި ސިއްހީގޮތުން ފިޓު ހުރިހާ ބައިވެރިންނަށް މި ތަމްރީނު ފުރިހަމަ ކުރުމުގެ ފުރުސަތު ފަހިކޮށްދޭނެއެވެ. މި ޕްރޮގްރާމުގެ ފުރަތަމަ ބެޗުގެ ތަމްރީނުތައް ކުރިއަށް ގެންދިޔުމަށް ހަމަޖެހިފައިވަނީ ޅ. މާފިލާފުށީގައެވެ.
ޑިފެންސް މިނިސްޓްރީން ބުނީ މިއީ ރައީސް ޑރ. މުހައްމަދު މުއިއްޒުގެ އިސްނެންގެވުމުގެ މަތިން ޒުވާން ޖީލެއް ބިނާކުރުމަށް ފައްޓަވާފައިވާ ހާއްސަ ޕްރޮގްރާމެއް ކަމަށެވެ.
މި ޕްރޮގްރާމުގެ މައިގަނޑު މަގުސަދުތަކުގެ ތެރޭގައި ގައުމަށް ލޯބިކުރާ، އިސްލާމްދީނަށް ހުރުމަތްތެރިކޮށް ހިތާ، އަހުލާގު ރަނގަޅު އަދި ގައުމީ ކާރިސާތަކަށް ތައްޔާރުވެފައިވާ ޖީލެއް އުފެއްދުން ހިމެނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
