ރައްޔިތުންނާއެކު ޕޮޑްކާސްޓެއްގައި ވާހަކަދައްކަވަމުން ރައީސް ވިދާޅުވީ، "އެއްވެސް ބެލުމެއްނެތި އަނެކާއަށް ގެއްލުންވާ ގޮތަށް ލިޔުންތައް ޝާއިއުކުރުމަކީ އިންސާނަކު ވެސް ކޮށްގެން ވާނެ ކަމެއް ނޫން،" ކަމަށެވެ. އެމަނިކުފާނު ވަނީ މި ބިލަކީ "ހިތަށް އަންނަހާ އެއްޗެއް" ލިޔުން މަނާކުރާނެ ބިލެއްގެ ގޮތުގައި ސިފަކުރައްވާފަ އެވެ. މި ބިލު ފާސްކުރުމުން، ރައީސްގެ ބާރުގެ ދަށުގައި އޮންނަ ކޮމިޝަނަކަށް ނޫސްވެރިކަމާއި އިންޓަނެޓުގައި ފާޅުކުރާ ހިޔާލުތައް ރެގިއުލޭޓްކުރުމުގެ ބާރު ލިބިގެންދާނެ އެވެ.