ޖަޕާނުގެ މަޝްހޫރު ކުރެހުމުގެ ވާހަކައެއް ކަމަށްވާ 'ވަން ޕީސް' ގައި ފެންނަ ހުއި ތޮފި އަޅާ ކަނޑުފޭރޭ މީހުންގެ ދިދައަކީ، ދުނިޔޭގެ އެކި ކަންކޮޅުތަކުގައި މި ޒަމާނުގެ ޒުވާނުން ކުރަމުން އަންނަ ނުރުހުން ފާޅުކުރުންތަކުގެ ބާރުގަދަ އަލާމާތަކަށް ވެއްޖެއެވެ. ބޮލުގައި ހުއި ތޮފި އަޅާފައިވާ ބޮލުގެ ނާށިގަނޑެއްގެ ކުރެހުން ހިމެނޭ މި ދިދަ، ޒުވާނުން ބޭނުންކުރަމުން އަންނަނީ ޚިޔާލުފާޅުކުރުން ހަނިކުރުމާއި، އަނިޔާވެރި ވެރިކަންތަކާ ދެކޮޅު ނިޝާނެއްގެ ގޮތުގައެވެ. މި ދިދަ ވަނީ ނޭޕާލާއި އިންޑޮނޭޝިއާ ފަދަ ގައުމުތަކުގެ ނުރުހުން ފާޅުކުރުމުގެ އެއްވުންތަކުގައި ފާޅުކޮށް ފެނިފައެވެ.
ވަންޕީސް ދިދަ ނޭޕާލް މުޒާހަރާގައި ބޭނުންކުރަނީ
މި ދިދަ ނުރުހުން ފާޅުކުރުމުގެ އަލާމާތަކަށް ވުމުގެ މައިގަނޑު ސަބަބަކީ 'ވަން ޕީސް' ވާހަކައިގައި ހިމެނޭ މިނިވަންކަމާއި އަނިޔާވެރިކަމާ ދެކޮޅަށް ނެගިޓުމުގެ ވިސްނުމެވެ. އެ ވާހަކައިގައި ދައްކުވައިދެނީ، "ދުނިޔޭގެ ސަރުކާރަކާ" ދެކޮޅަށް އަމިއްލަ މިނިވަންކަމަށާއި އެކުވެރިންނަށްޓަކައި ހަނގުރާމަކުރާ ކަނޑުފޭރޭ ބައެއްގެ ވާހަކައެކެވެ. މިއީ ދުނިޔޭގެ އެކި ގައުމުތަކުގައި ޒުވާނުންނަށް ކުރިމަތިވަމުން އަންނަ އަނިޔާވެރިކަމާއި ލުމާ ދެކޮޅަށް އެމީހުން ކުރާ ދެކޮޅުވެރިކަމުގެ މިސާލަކަށް ވެފައިވެއެވެ.
މި ދިދައިގެ އަސަރު އެންމެ ބޮޑަށް ފެނުނު އެއް ތަނަކީ ނޭޕާލެވެ. ސޯސަލްމީޑިއާ ހުއްޓުވުމާ ދެކޮޅަށް ކުރި މުޒާހަރާތަކުގައި ޒުވާނުން މި ދިދަ ބޭނުންކުރިއެވެ. އެ ގައުމުގެ ބޮޑުވަޒީރު ކޭ.ޕީ. ޝަރުމާ އޯލީ ވެރިކަމުން ދުރުވާން މަޖުބޫރުވިއެވެ. ހަމައެހެންމެ، އިންޑޮނޭޝިއާގައި ޓެކްސް ބޮޑުކުރުމާއި ދެކޮޅަށް ކުރި މުޒާހަރާތަކުގައި ދައުލަތުގެ ދިދައިގެ ބަދަލުގައި މި ދިދަ ބޭނުންކުރުމުން، ސަރުކާރުން އެއީ 'ގައުމީ ހިޔާނާތެއް' ކަމަށް ސިފަކުރިއެވެ.
ވަންޕީސް ދިދައިގެ ގްރެފިޓީއެއް ޖަަހަނީ
މީގެ އިތުރުން ފިލިޕީންސް، ޕާކިސްތާން، އަދި ފްރާންސް ފަދަ ގައުމުތަކުގެ ޒުވާނުންގެ ހަރަކާތްތަކުގައި ވެސް މި ދިދަ ބޭނުންކޮށްފައިވުމުން، މިއީ ޒުވާން ޖީލުގެ ހިތްވަރުގެ ނިޝާނެއްކަން ހާމަވެއެވެ.
