ރައްޔިތުން މުޒާހަރާ ކުރަމުން ދަނިކޮށް ތުޅާދޫ ކައުންސިލުން ނެރުނު އިއުލާނެއްގައި ބުނީ ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން އެރަށުގައި މިހާރު ޢިމާރާތް ކޮށްފައިވާ 100 ހައުސިން ޔުނިޓަށް ކުރިމަތިލާފައިވާ ފަރާތްތަކަށް ޕޮއިންޓް ލިބިފައިވާ ގޮތުގެ ދާއިމީ ލިސްޓް އާއްމުކޮށްފައިވާކަމަށެވެ.
ތުޅާދޫ ފްލެޓް ދޫކުރަނީ ދެ ކެޓެގަރީއަކަށެވެ. އެއީ
- ކެޓަގަރީ-އޭ (ބ. ތުޅާދޫގެ ރައްޔިތުންނަށް ދޫކުރުމަށް ހަމަޖެހިފައިވާ )
- ކެޓަގަރީ–ބީ (ބ. ތުޅާދޫއަށް ދިރިއުޅުން ބަދަލުކުރުމަށް ބޭނުންވާ ފަރާތްތަކަށް ދޫކުރުމަށް ހަމަޖެހިފައިވާ)
މީގެތެރެއިން ތުޅާދޫގެ ރައްޔިތުންނަށް ދޫކުރުމަށް ހަމަޖެހިފައިވަނީ 92 ހައުސިންގ ޔުނިޓްއެވެ. ތުޅާދޫއަށް ދިރިއުޅުން ބަދަލުކުރުމަށް ބޭނުންވާ ފަރާތްތަކަށް ދޫކުރުމަށް ހަމަޖެހިފައިވާ 08 ހައުސިން ޔުނިޓްއެވެ.
ތުުޅާދޫ ކައުންސިލުން ބުނީ ފްލެޓްތަކަށް ކުރިމަތިލާފައިވާ ފަރާތްތަކަށް ޕޮއިންޓް ދީފައިވާ ގޮތުގެ ދާއިމީ ލިސްޓް، ކައުންސިލް އިދާރާގެ ރަސްމީ ފޭސްބުކް ޕޭޖުންނާއި، ދިވެހި ސަރުކާރުގެ ގެޒެޓުން ފެންނަށް ހުންނާނެކަމަށެވެ. އަދި ކައުންސިލް އިދާރާގެ ނޯޓިސްބޯޑުގައި ބެހެއްޓިފައި ހުންނާނެކަމަށްވެސް ެއެ ކައުންސިލުން ބުނެއެވެ.
ފްލެޓް ލިބުން ލަސްވެގެން ރައްޔިތުން ނުކުމެ މިއަދަު ވަނީ ތުޅާދޫ ކައުންސިލްގެ މަސައްކަތް ހުއްޓުވާލާފައެވެ.
